СамбэмкIэ Урысыем ипервенствэ къалэу Кстово щыкIуагъ. Мыщ зыныбжь илъэс 24-м емыхъугъэ кIалэхэр ыкIи пшъашъэхэр хэлэжьагъэх.

Къэралыгъом ихэшыпыкIыгъэ командэ дунэе мэхьанэ зиIэ зэ­нэкъокъухэм зафигъэхьазырынымкIэ мы Iофтхьабзэм изэхэщэн мэхьанэшхо иIагъ. Шъолъыр зэ­фэшъхьафхэм къарыкIыгъэ спорт­смен 350-м ехъумэ заушэтыгъ, текIоныгъэм ыкIи хагъэунэфыкIырэ чIыпIэхэм афэбэнагъэх.
Хабзэ зэрэхъугъэу, Адыгэ Рес­публикэм илIыкIохэм гъэхъэгъэшIухэр ашIыгъэх. Наш Расул килограмм 79-рэ къэзыщэчыхэрэм якуп хэтыгъ, ар зыIукIагъэхэм зэкIэми атекIуагъ ыкIи къытефэу дышъэ медаль къыфагъэшъошагъ. Батмэн Амин, Кобл Рэмэзан, Хьакъуй Амир хагъэунэфыкIырэ чIыпIэхэр къыдахыгъэх. Мэлгощ Адами ухьазырыныгъэ дэгъу къы­гъэлъэгъуагъ, я 5-рэ хъугъэ.

Спортсменхэм ыкIи ахэм ятренерхэу Р. Джарымэкъом, А. Де­лэ­къом, А. Мырзэм, А. Мудранэм, А. Гъомлэшкым тафэгушIо, тапэкIи мыщ фэдэ гъэхъагъэхэр ашIынхэу, республикэм ыцIэ дахэкIэ рарагъэIонэу афэтэIо.