Щэбзэ щэрыонымкIэ Къэбэртэе-Бэлъкъар Республикэм изэIухыгъэ чемпионатрэ ипервенствэрэ, джащ фэдэу сэкъатныгъэ зиIэхэм ятурниррэ рагъэкIокIыгъэх. Мыекъуапэ испортсменхэр ахэм ахэлэжьагъэх ыкIи хагъэунэфыкIырэ чIыпIипшIым ехъу къыдахыгъ.

Урысыем и Къыбэ ишъолъыр 11-мэ къарыкIыгъэ нэбгырэ 74-рэ Налщык щызэрэугъоигъэх. Зэнэкъокъухэм ахэлэжьагъэх хэушъхьафыкIыгъэ дзэ операцием иветеранхэри. Адыгеир къэзыгъэлъэгъуа­гъэхэр олимпийскэ резервым испорт еджапIэу Владимир Максимовым ыцIэ зыхьырэм зыщызыгъасэхэрэр ары. ЗэкIэмкIи тиспортсменхэм медаль 12 къафагъэшъошагъ. ТекIоныгъэр къыдахыгъ Нил Денисовым, Иван Лемешевым, Ярослав Плетневым, Егор Трубниковым ыкIи Светлана Баранцевам.