ГандболымкIэ Урысыем и Суперлигэ хэт «АГУ-Адыифыр» мы мафэхэм Москва икоман­дэу «Лучым» дешIагъ.

Я 14-рэ турым къыдыхэлъы­тэгъэ зэIукIэгъур гъэшIэгъонэу, уз­Iэпищэу кIуагъэ, аужырэ та­къикъхэм анэс текIоныгъэр къыдэзыхыщтыр къэшIэгъоягъ.
«Луч» — «АГУ-Адыиф» — 33:34 (16:17)
«Лучым» щешIагъэх: къэлэпчъэIутхэр — Моревар, Бударевар, Чипула. Коробко — 9, Къэбжыр — 5, Смирновар — 4, Зюринар — 4, Алексеевар — 3, Германовар — 3, Лунинар — 3, Рожковар — 1, Андрияновар — 1.
«АГУ-Адыифым» хэтыгъэх: къэлэпчъэIутхэр — Гобадзе, Черновар, Черницовар. Смирновар — 9, Вайкум — 6, Хавронинар — 5, Локян — 5, Коваленкэр — 4, Коблыр — 3, Кожубековар — 1, Салаховар — 1.
ЕшIэгъум ипэублэ къыщегъэ­жьагъэу командэхэр ыпэкIэ ­илъыщтыгъэх, зэпымыоу къэлапчъэм Iэгуаор дадзэщтыгъ. Апэрэ едзыгъор 17:16-у «АГУ-­Адыифым» къыхьыгъ. ЯтIонэрэ таймым иаужырэ такъикъи 10 гъэшIэгъон дэдагъ. Адыгеим игандболисткэхэм зэкIэлъыкIоу Iэгоо заулэ къэлапчъэм дадзагъ ыкIи 33:29-у ыпэ ишъыгъэх. Ау «Лучым» щешIэхэрэ Алена Германовамрэ Юлия Зюринамрэ Iэгоо зырыз къыдадзэ. Ащ къы­хэ­кIыкIэ «АГУ-Адыифым» итренер шъхьаIэ зыгъэпсэфыгъо уахътэ ештэ, ыгъэсэрэ пшъашъэхэр зэрэджэгунхэ фаер къафеIуатэ. Ащ ыуж Екатерина Салаховам къэлапчъэм Iэгуаор дидзагъ. ­Москва илIыкIохэр къызэкIэкIуагъэхэп, бэрэ ыпэкIэ илъыгъэх, ау типшъашъэхэм 34:33-у текIоныгъэр къыдахыгъ. Апэрэ къекIокIыгъом мы командэхэм зэIукIэгъоу яIагъэми «АГУ-Адыифыр» ныхь щылъэшыгъ, пчъагъэр — 32:31.

— Апэрэ такъикъхэм къащегъэжьагъэу типшъашъэхэм яцыхьэ зытелъыжьэу джэгугъэх, ащ дакIоу хэукъоныгъаби ашIыгъ. Ау текIоныгъэр къызэрэдахыгъэр пстэуми анахь шъхьаI, ащкIэ
са­фэраз, — къыIуагъ «АГУ-Адыифым» итренер шъхьаIэу Никита Голуб.
Турнир таблицэм тикомандэ къыщыдэкIоягъ ыкIи «Лучым» ыпэ ишъыгъ. «Черноморочкэмрэ» «Астраханочкэмрэ» чIыпIэу аIыгъыгъэхэмкIэ зэхъожьыгъэх. Пэрытныгъэр «Ростов-Доным» ыIыгъ, мыщ ешIэгъу 14 иIагъ, зэ­кIэми текIоныгъэ къащыдихыгъ.
Командэхэр зыдэщыт чIыпIэхэр ыкIи очко ­пчъагъэу рагъэкъугъэр:

1. «Ростов-Дон» — 28.
2. «ЦСКА» — 26.
3. «Лада» — 21.
4. «Черноморочка» — 19.
5. «Астраханочка» — 18.
6. «Звезда» — 15.
7. «Динамо-Синара» — 12.
8. «Кубань» — 9.
9. «АГУ-Адыиф» — 9.
10. «Луч» — 8.
11. «Уфа-Алиса» — 2.
12. «Университет» — 1.