ВолейболымкIэ зэнэкъокъухэр Мыекъуапэ щыкIуагъэх.

Адыгеим икъэлэ шъхьаIэ щызэIукIагъэх Липецкэ, Шъачэ, Рос­тов-на-Дону, Краснодар, Налщык, Черкесскэ, Лэбапэ, Псыфабэ ыкIи Абхъазым ябзылъ­фыгъэ командэхэр. 2011 — 2012-рэ, 2013 — 2014-рэ илъэс­хэм къэ­хъугъэхэр ары зызыушэты­гъэхэр.
Мыекъуапэ икомандитIу язырэр аужырэ едзыгъом нэсыгъ ыкIи текIоныгъэ къыщыдихыгъ. Мые­къо­пэ спорт еджапIэу С. М. Джэнчатэм ыцIэ зыхьырэм зыщызыгъасэхэрэр финалым Ли­пецкэ хэкум илIыкIохэм адешIагъэх ыкIи 2:0-у атекIуагъэх. Ящэ­нэрэ чIыпIэр Абхъазым икомандэ фагъэшъошагъ.
НахьыкIэхэм якуп ящэнэрэ чIыпIэр къыщыдихыгъ Шъачэ испорт еджапIэу N 18-м икомандэ, тыжьын медальхэр къахьыгъэх «Аврорэм» (Краснодар) иво­лейболисткэхэм. Пэрытныгъэр зыубытыгъэр Липецкэ хэкум илIы­кIохэр ары.
ТекIоныгъэр ыкIи хагъэунэ­фыкIырэ чIыпIэхэр къыдэзыхы­гъэхэм дипломхэр, медальхэр ыкIи кубокхэр афагъэшъошагъэх. Турнирым иешIэкIо анахь дэгъу хъугъэ Мыекъуапэ икомандэ ика­питанэу Къуныжъ Самирэ. Ти­волейболисткэхэр зыгъасэрэр тре­нер-кIэлэегъаджэу Галина Пу­тятинар ары.
Iофтхьабзэм кIэщакIэ фэхъу­гъэх волейболымкIэ шъолъыр федерациемрэ Мыекъуапэ физическэ культурэмкIэ ыкIи спортымкIэ и Комитетрэ.