Лъапсэ фэхъугъэр агъэунэфы
ЩынэгъончъэнымкIэ федеральнэ къулыкъум и ГъэIорышIапIэу Адыгэ Республикэм щыIэм икъулыкъушIэхэм шапхъэхэм адимыштэрэ унэ сабый ибэм зэрэфащэфыгъэр къыхагъэщыгъ.
Урысыем и Следственнэ комитет иследственнэ ГъэIорышIапIэу Адыгэ Республикэм щыIэм Джэджэ районымкIэ иследственнэ отдел иследовательхэм Шэуджэн районым ипащэ иапэрэ гуадзэ ылъэныкъокIэ уголовнэ Iоф къызэIуихыгъ. ИIэнатIэ къызэрэзфигъэфедагъэм фэшI ар агъэмысэ.
Урысыем и Следственнэ комитет иследственнэ ГъэIорышIапIэу Адыгэ Республикэм щыIэм ипащэу Василий Лариным, джащ фэдэу щынэгъончъэнымкIэ федеральнэ къулыкъум и ГъэIорышIапIэу АР-м щыIэм цIыфхэм адыряIэгъэ зэIукIэгъум къыкIэлъыкIоу уголовнэ Iофыр къызэIуахыгъ.
ЩынэгъончъэнымкIэ къулыкъум иIофышIэхэм зэрагъэунэфыгъэмкIэ, 2024-рэ илъэсым Шэуджэн район администрацием шапхъэу щыIэхэр ыукъозэ Кощхьэблэ районым ит поселкэу Майскэм сабый ибэм унэ щыфащэфыгъ.
Нэужым зэрагъэунэфыгъэмкIэ, псэупIэр хэбзэгъэуцугъэм къыгъэуцурэ шапхъэхэм адиштэрэп, ар къеушыхьаты чIэхьапIэм ыкIи шхапIэм ателъ джэхашъор шъунэу къызэрэригъэжьагъэм, зэрыпщэрыхьэхэрэ хьакур ыкIи псыр зыгъэфабэрэм Iоф зэрамышIэрэм. Ащ нэмыкIэу игъэкIотыгъэ гъэцэкIэжьынхэм апае ахъщэ амытыгъэу унэм чIыфэ телъыгъ.
УФ-м ихэбзэгъэуцугъэ къыгъэуцурэ шапхъэхэм адимыштэу фэтэрыр зэращэфыгъэм фэшI Шэуджэн район администрацием ибюджет сомэ миллионрэ мин 400-рэ зэрар фэхъугъ.
Мы уахътэм ехъулIэу следовательхэм ыкIи криминалистхэм следственнэ IофшIэнхэр зэрахьэх, бзэджэшIагъэм лъапсэ фэхъугъэр агъэунэфы.
ЩынэгъончъэнымкIэ федеральнэ къулыкъум и ГъэIорышIапIэу АР-м щыIэм ипресс-къулыкъу.