ФутболымкIэ Адыгэ Республикэм изэIухыгъэ кIымэфэ первенствэ рагъэжьагъ. Ащ зэкIэмкIи команлэ 28-рэ хэлажьэ. Зэнэкъокъур къызэIузыхыгъэхэр ветеранхэм ялигэ щешIэхэрэр ары. Мы мафэхэм ахэм зэIукIэгъуищ яIагъ.

Апэрэ турым изэфэхьысыжьхэр:
«ВНГ» — «Делотехника» — 1:1, «Щагъдый» — «Альфа-Юг» — 1:4, «Джокер — «Колизей» — 2:2.
ЯтIонэрэ турым «Щагъдыир» «Джокерым», «ВНГ-р» «Колизеим», «Делотехникэр» «Альфа-Югым» адешIэщтых.
Апэрэ лигэм хэт командэхэу «ДЮСШ 09-м», «Легионым», «Космосым», «Хьатыгъужъыкъуаем», «Ошъутенэм», «Тульскэм» ыкIи «Спортмастерым» текIоныгъэхэр къыдахыгъэх, очко щырыщ къахьыгъ. Мы купым командэ 15 хэт. ЗэIукIэгъуи 7-у яIагъэхэм къэлапчъэм Iэгоо 35-рэ щыдадзагъ.

Апэрэ лигэм хэт командэхэм яешIэгъухэм язэфэхьысыжьхэр:
«ДЮСШ 09» — Факел» — 3:0, «ДЮСШ 10» — «Легион» — 0:5, «Космос» — «Оазис» — 5:3, «Ансар» — «Хьатыгъужъыкъуай» — 1:2, «Канониры» — «Ошъутен» — 0:4, «Кристалл» — «Тульскэр» — 2:5, «Спортмастер» — «Спортмастер-2» — 4:1.
Апшъэрэ лигэм щешIэрэ «Кавказ Адэмыер» 9:0-у «Картонтара Юность» зыфи­Iорэм текIуагъ. «МФОК-у Ошъу­тенэр» «Ле­гионым» нахь лъэшыгъ, пчъа­гъэр — 9:0. «АГУ-р» 3:1-у «Насыпым» текIуагъ.
Тыгъэгъазэм и 14-м «Легионыр» «АГУ-м», «МФОК-у Ошъутенэр» «Урожаим», «Насы­пыр» «Кавказ Адэмыем» аде­шIэщтых.