Теннис цIыкIумкIэ зэнэкъокъухэр къалэу Налщык щэкIох. Зыныбжь илъэс 16-м емыхъугъэ кIалэхэм ыкIи пшъашъэхэм заушэты.

Адыгэ Республикэм икомандэ нэбгыри 8 хэт. Мыекъопэ спорт еджапIэу С.М. Джэнчатэм ыцIэ зыхьырэм ахэм зыщагъасэ. Турнирыр унэе ыкIи команднэ зэнэкъокъухэмкIэ макIо. Апэрэ лъэны­къомкIэ тишъолъыр щыщэу текIоныгъэм къыдэзыхын зылъэкIыщтэу къэна­гъэр Артем Вариводиныр ары. Командэхэр пштэмэ, типшъашъэхэри тикIалэхэри ыпэкIэ лъыкIотэнхэм фэбанэх.
Зэнэкъокъур тыгъэгъазэм и 12-м аухыщт. Анахь дэгъоу зыкъэзыгъэлъэгъуагъэхэм зэхэщакIохэр афэгушIощтых.