ДзюдомкIэ Урысыем и Кубок икъыдэ­хын фэгъэхьыгъэ зэнэкъокъухэр къалэу Череповец щыкIуагъэх.

АР-м и ЛIышъхьэу КъумпIыл Мурат Адыгеим илIыкIохэу гъэхъэгъэшIу зышIыгъэхэм афэгушIуагъ.
— Къэралыгъом ишъо­лъыр 50-мэ къарыкIыгъэ спортсмен 300-м ехъумэ заушэтыгъ. Ахэм ахэтыгъэх Адыгэ Республикэм щыщ нэбгырэ 11. Дэгъу дэдэу зыкъыгъэлъэгъуагъ ыкIи ды­шъэ медаль къыхьыгъ Датхъужъ Алый. Джащ фэдэу ятIонэрэ чIыпIэр къыфагъэ­шъошагъ Мерэм Дамир. Бэслъэнэй Темирлан къыхэ­сымыгъэщын слъэкIыщтэп, джэрз медаль къыдихыным ар пэблэгъагъ. Тидзюдоист­хэм ыкIи ахэм ятренерхэм сафэраз, тапэкIи мыщ фэдэ гъэхъэгъэшIухэр ашIынхэу афэсэIо, — къыхигъэщыгъ республикэм ипащэ.