ГандболымкIэ Урысыем и Суперлигэ хэт «АГУ-Адыифыр» мы мафэхэм командэу «Астраханочкэм» де­шIагъ.

Мыекъуапэ щыкIогъэ зэIукIэгъум хьакIэхэр нахь щылъэшы­гъэх, текIоныгъэр къыдахыгъ.
«АГУ-Адыиф» — «Астраханочка» — 24:32 (11:16)
«АГУ-Адыифым» хэтыгъэх: къэлэпчъэIутхэр — Черновар, Гобадзе, Черницовар. Миловар — 5, Смирновар — 5, Хавро­нинар — 4, Вайкум — 2, Коваленкэр — 2, Кожубековар — 2, Краснокутскаяр — 1, Салаховар — 1, Локян — 1, Казихановар — 1.
«Астраханочкэм» щешIагъэх: къэлэпчъэIутхэр — Дегтяревар, Колесниковар, Прокопьевар. Дудинар — 9, Романенкэр — 5, Климанцевар — 3, Ильинар — 3, Бессалаяр — 2, Сотниковар — 2, Дудкинар — 2, Нефедовар — 2, Корнеевар — 2, Юрьевар — 1, Кайнаровар — 1.
Апэрэ къекIокIыгъом мы коман­дэхэм зэIукIэгъоу яIагъэм «Астраханочкэр» нахь щылъэшыгъ. Ащ къыхэкIыкIэ мы спорт лъэпкъыр зыгу рихьэу республикэм щыпсэу­хэрэр «АГУ-Адыифым» текIоныгъэр къыдихыным ежагъэх. Ау ар тигандболисткэхэм къадэхъугъэп.
Апэрэ Iэгуаор къэлапчъэм дэ­зыдзагъэр тикомандэ хэт Виктория Коваленкэр ары. ХьакIэхэм нахь къахэщыгъэ Мария Дудинам апэрэ такъикъ 30-м къэлапчъэм Iэгоуи 7 дидзагъ, зыкIи блэохыгъэп. ЦыхьэшIэгъоу ешIагъ къэлэпчъэIутэу Валентина Дегтяревар, Iэгоо 33-у къадзыгъэм щы­щэу 14-р ащ къызэкIидзэжьыгъ. ЯтIонэрэ едзыгъоми «Астраханочкэр» дэгъоу ешIагъ, пчъагъэр 32:24-у текIоныгъэр къыдихыгъ.
— Апэрэ таймым джыри нахь тычъэщтыгъ, ыпэкIэ тилъыщтыгъ, тегугъущтыгъ. ЯтIонэрэм — кIуа­чIэ тфикъугъэп. Пшъашъэхэр агу етыгъэу джэгугъэх, текIоныгъэр къыдахыным фэбэнагъэх, —
къы­Iуагъ «АГУ-Адыифым» хэт Юлия Кожубековам.
Я 13-рэ турым изэфэхьысыжьхэр:
«АГУ-Адыиф» — «Астраханочка» — 24:32, «Кубань» — «Ростов-Дон» — 26:31, «Уфа-­Алиса» — «ЦСКА» — 26:36, «Звезда» — «Лада» — 25:33, «Динамо-Синара» — «Черно­морочка» — 22:30, «Универ­ситет» — «Луч» — 27:27.
Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Ростов-Дон» — 26.
2. «ЦСКА» — 24.
3. «Лада» — 19.
4. «Астраханочка» — 18.
5. «Черноморочка» — 17.
6. «Звезда» — 13.
7. «Динамо-Синара» — 12.
8. «Кубань» — 9.
9. «Луч» — 8.
10. «АГУ-Адыиф» — 7.
11. «Уфа-Алиса» — 2.
12. «Университет» — 1.