Адыгэ къэралыгъо университетым шIэныгъэ хэхыгъэ­хэмкIэ ыкIи цифрэ технологиехэмкIэ и Институт истудентхэр хьисапымкIэ Дунэе олимпиадэу «RUDN MATH OLYMP» зыфиIорэм хэлэжьагъэх ыкIи щытекIуагъэх.

ХьисапымкIэ ящэнэрэ Дунэе олимпиадэм а 1 — 4-рэ курсхэм ащеджэхэрэр ары хэлэжьагъэ-
хэр, ар къалэу Москва щыкIуагъ. Хэгъэгу 14-мэ къарыкIыгъэ студент 400-м ехъу олимпиадэм щызэнэкъокъугъэх. Ащ зэфэ­хьысыжьэу фэхъугъэмкIэ, Адыгэ къэ­ралыгъо университетым ­икомандэ ящэнэрэ чIыпIэр къыдихыгъ, студентхэр шъхьаф-­шъхьафэу зыхэлэжьэгъэхэ зэнэ­къокъум Адыгэ къэралыгъо университетым шIэныгъэ хэхыгъэхэмкIэ ыкIи цифрэ технологиехэмкIэ и Институт ия 4-рэ курс щеджэрэ студенткэу Болэкъо Аидэ джэрз медаль къыщихьыгъ.
Олимпиадэр зэхэзыщагъэр лъэпкъхэм язэкъошныгъэ и Урысые университет, ащ командэ-­
хэри, шъхьафэу студентхэри хэлэжьэнхэ амал яIагъ. Апшъэрэ еджапIэ пэпчъ къыгъэлъэгъонэу зыфитыгъэр командэ закъу, ащи хэтыщт пчъагъэр гъэнэфэгъагъэ, нэбгыриплIым ебгъэхъу хъу­щтыгъэп. Адыгэ къэралыгъо университетым икомандэ хэтыгъэ Болэкъо Аидэ, Виктория Тозлевскаяр, Милана Шелудшевар ыкIи Шорэ Дианэ.
Командэм ипэщагъ хьисапыр ягъэхьыгъэным иметодикэкIэ ыкIи хьи­сап анализымкIэ кафедрэм икIэ­лэегъэджэ шъхьаIэу Анжела Артисевич.
Олимпиадэм хэлэжьэгъэ студентмэ хьисапым илъэныкъо зэ­фэшъхьафхэмкIэ десэхэр къа­шIыгъэх.
ТекIоныгъэ къыдэзыхыгъэхэм шIухьафтынхэр аратыгъ, джащ фэдэу лъэпкъхэм язэкъошныгъэ и Урысые университет хьиса­пымкIэ имагистратурэ еджэныр щылъагъэкIотэнэу рахъухьэмэ, чIэхьэгъу ушэтынхэмкIэ къашъхьэ­пэжьыщт балл тедзэхэр къафагъэшъошагъэх.
Адыгэ къэралыгъо университетым ипресс-къулыкъу.