ВолейболымкIэ зэнэкъокъухэр къуаджэу Хьакурынэхьаблэ щыкIуагъэх. Iофтхьабзэм бзылъ­фы­гъэ команди 5 хэлэжьагъ, пшъашъэхэм аныбжь илъэс 15-м шIокIыщтыгъэп.

Мыщ зыщызыушэтыгъэхэм зэ­кIэми ухьазырыныгъэ дэгъу къагъэлъэгъуагъ, текIоныгъэм фэбэнагъэх. Ятфэнэрэ чIыпIэр къыди­хыгъ къуаджэу Улапэ икоман­дэ, бысымхэр яплIэнэрэ хъугъэх. Тэ­хъутэмыкъое, Красногвардейскэ районхэм ялIыкIохэм тыжьын ыкIи джэрз медальхэр къахьыгъэх. Те­кIо­ныгъэр Краснодар краим и Мостовской район икомандэ фа­гъэ­шъошагъ. Мыщ хэт пшъашъэ­-хэм ешIэкIэ дахэ къагъэлъэ­гъуагъ, къатефэу пэрытныгъэр аубытыгъ.