СамбэмкIэ Къыблэ федеральнэ шъолъы­рым ипервенствэ къалэу Ермэлхьаблэ щыкIуагъ. Зыныбжь илъэс 20-м емыхъугъэ спортсмени 100-м ехъу зэнэкъокъум хэ­лэжьагъ.

Адыгэ Республикэм исамбистхэу Цэй Алыйрэ Хьабэхъу Салбыйрэ текIоныгъэр къыдахыгъ. Тыжьын медальхэр къафагъэшъошагъэх Григорий Момотюк, Анцокъо Амир, Малыщ Аскэр, Хьакъуй Батыр. Ящэнэрэ чIыпIэр къэзыхьыгъэхэр: Апыщ Ислъам, Хьакурынэ Джамбулат, Бэгъ Салим.
Тиспортсменхэм ыкIи ахэм ятренерхэу А. Делэкъом, Б. Шъэумэным, Р. Джарымэкъом, А. Джарымэкъом, Д. Хьакуринэм, А. Хьабэхъум, З. Ацумыжъым ягъэхъагъэхэмкIэ тафэгушIо.