Адыгэ Республикэм и Тэхъу­тэмыкъое район хьыкум илъэс 34-рэ зыныбжь Стани­слав Игнатовым уголовнэ ­Iофэу къыпагъэтэджагъэм къе­джагъ.

Урысыем и Уголовнэ кодекс ия 223-рэ статья иа 1-рэ Iахь ыкIи Урысыем и Уголовнэ кодекс ия 222-рэ статья иа 1-рэ Iахь (хэбзэнчъэу Iашэхэмрэ щэ-гынхэмрэ зышIыхэрэм ыкIи зыгъэбылъхэрэм) къыдалъытэрэ бзэджэшIагъэр ащ зэрихьагъэу агъэунэфыгъ.
Макаровым икIэрахъорэ Мосиным ишхончрэ афэдэ Iашэу ышIыгъэхэм ягъусагъэх миллиметри 9 х 18 фэдиз хъущтыгъэ патронхэр. Хъулъфыгъэм ыгъэхьазырыхэрэр зэкIэ зыщыпсэурэ унэм щиIыгъыгъэх.
Урысыем щынэгъончъэнымкIэ и Федеральнэ къулыкъу и ГъэIорышIапIэу Адыгэ Республикэм щыIэм уголовнэ Iофыр къыIэтыгъ ыкIи зэхифыгъ.
С.А. Игнатовым условнэу илъэси 2,6-рэ тыралъхьагъ, тазырэу сомэ мин 50 ытыжьынэу ашIыгъ.
Урысые Федерацием щынэгъончъэнымкIэ и Федеральнэ къулыкъу и ГъэIорышIапIэу Адыгэ Респуб­ликэм щыIэм ипресс-къулыкъу.