ГандболымкIэ Урысыем и Суперлигэ хэт «АГУ-Адыифым» илъэс ешIэгъум ыуж нэбгыри 9 хэкIыжьыгъ.

Мыщ фэдэ къэбар клубым исоциальнэ хъытыухэм къарыхьагъ. Командэм щешIэжьыщтхэп къэлэпчъэIутэу Екатерина Пивневар, Анастасия Селиверстовар, Къэбж Заремэ, Лилия Кавера, София Гогия, Ангелина Балоба ыкIи Анастасия Алексеевар, джащ фэдэу командэм икапитаныщтыгъэхэу, иешIэкIо пэрытхэу Людмила Баскаковамрэ (къэлэпчъэIут) Кобл Зуретрэ.
Мы илъэсым типшъашъэхэм я 11-рэ чIыпIэр къыдахыгъ, зэнэкъокъум зэкIэмкIи командэ 12 хэлэжьагъ. Джырэ уахътэм адрэ къэнэгъэ ешIакIохэм загъэпсэфы, чемпионатым изыфэгъэхьазырын бэдзэогъум ипэублэ рагъэжьэщт.