Нэбгырэ 90-м къыщымыкIэу
Къэралыгъо программэу «ПсэупIэ ыкIи коммунальнэ фэIо-фэшIэ Iэрыфэгъухэр цIыфхэм аIэкIэгъэхьэгъэнхэр» зыфиIорэм ипхырыщын Адыгеим щылъагъэкIуатэ.
АР-м финансхэмкIэ и Министерствэ къызэритыгъэмкIэ, сабый ибэу е лъыплъэн имыIэу къэнагъэу мы илъэсым псэупIэхэр зэратыщтхэр нэбгырэ 90-м къыщыкIэщтэп. Ащ пае сомэ миллион 283,8-рэ республикэ бюджетым щагъэнэфагъ. Ащ щыщэу сомэ миллион 85,8-р агъэфедэгъах, нэбгырэ 65-мэ унэхэр афащэфынхэм ар пэIуагъэхьагъ.
Шъугу къэдгъэкIыжьын, 2023-рэ илъэсым сабый ибэу е лъыплъэн имыIэу къэнагъэу нэбгырэ 71-мэ псэукIэ амал тэрэзхэр арагъэгъотыгъэх. Ащ сомэ миллиони 177,5-рэ пэIуагъэхьагъ. ГъэрекIо программэм ипхырыщын мылъкоу текIодэщтыр фэдитIукIэ нахьыбэ ашIыгъ. Сомэ миллион 360-кIэ нэбгыри 150-мэ псэупIэхэр афащэфыгъэх, ащ щыщэу 103-мэ Мыекъуап зыщаратыгъэр.