Илъэс 95-рэ зы­ныбжь бзыфэу Адыгеим къыщыкIырэр Урысыем ичъыг шъхьаIэ хъуным кIэдэу. Къэралыгъо программэу «Чъыгхэр — чIы­о­псым исаугъэтых» зыфиIорэм ихъытыу нэкIубгъо щыригъэкIокIырэ мэкъэтыным Мые­къопэ районым ит псэупIэу Тульскэм къыщыкIырэ чъыгышхор хэлажьэ. 2025-рэ илъэсым ичъыг къэралыгъом къыщыхахы.

Къэралыгъом ичъыг пIашъэхэм я Лъэпкъ тхыгъэ бзыф чъыгыр 2011-рэ илъэсым хагъэуцогъагъ. «Чъыгыр — чIыопсым исаугъэт» зыфиIорэ цIэр ащ дэжьым къыфагъэ­шъошэгъагъ. Метрэ 28-рэ фэдиз илъэгагъ. Ыныбжь емылъытыгъэу изытет
дэ­гъу дэд. Гъэмэфэ фэ­бэшхом жьаупIэшхо мэхъу. Бзыфыр псэупIэ гупчэ зыгъэпсэфыпIэм ыку ит. ЧIыпIэр къызэригъэдахэ­рэм дакIоу, чIыналъэм итарихъ инэпэеплъэу алъы­тэ. Арышъ, Адыгеим ибзыф Урысыем ичъыг шъхьаIэ хъунэу шъуфаемэ «Чъыгхэр — чIыопсым исаугъэтых» зыфиIорэ проектым ихъытыу нэкIубгъо шъухахьи, шъумакъэ фэшъут. ПстэумкIэ зэнэ­къокъум чъыг 70-рэ къыщыгъэлъэгъуагъ. Мэкъэтыныр шышъхьэIум и 1-м нэс кIощт.
Анцокъо Ирин.