КIэлэцIыкIухэм афэгъэхьыгъэ литературэ тхыгъэхэмкIэ Дунэе зэнэкъокъоу Жэнэ Къырымызэ ыцIэ зыхьырэм изичэзыу зэхэщэгъу къэблэгъагъ.

Мэкъуогъум и 1-м къыщегъэжьагъэу шышъхьэIум и 31-м нэс ар кIощт. Мызыгъэгум ащ цIэу иIэщтыр «ЦIыкIу­жъый». Илъэси 3 — 5 зыныбжь кIэлэцIыкIумэ ателъытэгъэ тхыгъэхэр, зэ­дзэкIыгъэхэр, сурэтхэр къыугъоинхэр ипшъэрылъ. Зыныбжь илъэс 18-м къе­хъугъэхэри ащ хэлэжьэнхэу зэнэ­къо­къум изэхэщакIохэм рагъэблагъэх. Хабзэ зэрэхъугъэу, адыгабзэкIэ, къэ­бэртэябзэ­кIэ, урысы­бзэкIэ ар рекIокIыщт. ПстэумкIи лъэныкъуищ къыды­хэлъытэгъэщт:
— усэ ыкIи прозэ шъуашэм илъхэу илъэси 3 — 5 зыныбжь кIэлэцIыкIумэ афэгъэхьыгъэ тхыгъэхэр;
— илъэси 3 — 5 зыныбжь кIэлэцIыкIумэ афэгъэхьыгъэ тхыгъэхэм яхьылIэгъэ сурэтхэр шIыгъэнхэр;
— илъэси 3 — 5 зыныбжь кIэлэцIыкIумэ афэгъэхьыгъэ тхыгъэхэр адыга­бзэкIэ, къэбэртэябзэкIэ, урысыбзэкIэ зэдзэкIыгъэнхэр.
«Усэ ыкIи прозэ шъуашэм илъхэу илъэси 3 — 5 зыныбжьхэм апае» зыфиIорэ лъэныкъом (адыгабзэкIэ, къэ­бэр­тэябзэкIэ, урысыбзэкIэ) хэлажьэрэм ежь-ежьырэу ытхыгъэу ыпэкIэ зыми къыщыхимыутыгъэ IофшIагъэхэр зэнэкъо­къум ыгъэхьынхэ фае. Ахэр усэхэу, рас­сказхэу, пшысэхэу, пьесэхэу пшысэ шъуашэм илъхэр, фантастикэ е щыIэныгъэм ехьылIэгъэ шIэныгъэхэр зыхэлъ­хэр. Iофыгъоу къащыпIэтымэ хъущтхэр: ныбджэгъур, зэдэIэпыIэжьыныр, тыкъэзыуцухьэрэ дунаир, цIыкIумрэ илэгъухэм­рэ, цIыкIумрэ ны-тыхэмрэ, адыгэ хабзэр — блэкIыгъэр, неп, неущ.
«Сурэтхэр» зыфиIорэмкIэ IофшIагъэ­хэр зэхьылIэгъэщтхэр адыгэ ыкIи урыс тхакIохэм япроизведениехэр ары. Ахэр: Жэнэ Къырымыз, Къуекъо Налбый, Цуекъо Джэхьфар, ШэкIо Абрек, Абрэдж Сафият, Нэлой Заур, Афаунэ Лиуан, ХьацIыкIу Хьасан, Гъубжьэкъо Лиуан, КIышъэкъо Алим, Жьурт Бибэрд, Хьанфынэ Алим, Абытэ Хъызыр, Корней Чуковскэм, Самуил Маршак, Борис Заходер, Агния Барто, Сергей Михалковыр. Джащ фэдэу адыгэ хабзэм ехьылIагъэхэр.
УрысыбзэкIэ тхыгъэ произведениехэр адыгабзэкIэ, къэбэртэябзэкIэ зэбдзэ­кIынхэм пае зиIофшIагъэхэр бгъэфедэмэ хъущт тхакIохэр: Корней Чуковскэр, Самуил Маршак, Борис Заходер, Агния Барто, Сергей Михалковыр.
ИгъэкIотыгъэ къэбарыр ыкIи шапхъэу пылъхэр зэнэкъокъум ихъытыу нэкIубгъо konkursjane@adygnet.ru итыщтых.
Зэнэкъокъум Адыгэ къэралыгъо университетыр икIэщакIу.
Анцокъо Ирин.