Адыгэ Республикэм щыпсэухэу лъытэныгъэ зыфэтшIыхэрэр!
ТичIыпIэгъу лъапIэхэр!

Адыгэ Республикэм и Къэралыгъо быракъ и Мафэ фэшI тышъуфэгушIо!
Тиреспубликэ и Къэра­лыгъо тамыгъэхэм зыкIэ ащыщыр непэ дгъэлъапIэзэ, ти­чIыгу гупсэ щыпсэухэу цIыф лъэпкъ зэфэшъхьафхэм къахэкIы­гъэхэр зэгурыIохэу, аIэ зэкIэдзагъэу, Адыгеир джыри нахь зэ­тегъэпсыхьагъэ хъуным дэлажьэхэзэ щыIэкIэ нахь дэгъум къызэрэфэкIощтхэм тицыхьэ зэрэтелъыр къы­хэдгъэщы тшIоигъу.
Тигупсэ Адыгеим ыкIи зэрэ Хэгъэгоу къарыкIощтымкIэ тызэгъусэу пшъэ­дэкIыжь зэрэтхьырэр икъоу зэкIэми къыдгурыIон фае. ЦIыфхэм ящыIакIэ зыкъыIэтынымкIэ, обществэр нахь пытэнымкIэ экономикэмрэ социальнэ лъэныкъомрэ язытет бэ елъытыгъэр. ЗэхъокIы­ныгъэшIухэм джыри нахь зядгъэушъомбгъузэ, тине­ущырэ мафэ зыфэдэщтыр ­тэ къызэрэтэлъытыгъэр зыщыдгъэгъупшэ хъущтэп.
ТицIыфхэм яхъупхъагъэрэ ягуетыныгъэрэ яшIуагъэкIэ ти Адыгейи, ти Къэралыгъо быракъи апылъ щытхъум нахь зызэриIэтыщтым тицыхьэ телъ.
ТичIыпIэгъу лъапIэхэр, ­псауныгъэ пытэ, щыIэкIэшIу шъуиIэнэу, ублэ­пIэшIу пстэуми гъэхъагъэхэр ащы­шъушIынхэу шъуфэтэIо!
Адыгэ Республикэм и ЛIышъхьэу, Урысые политическэ ­партиеу «Единэ Россием» и ­Адыгэ ­шъолъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу
Владимир Нарожнэр