Олимпийскэ чемпионкэу, Урысыем спортымкIэ изаслуженнэ мас­терэу Алина Макаренкэм ишIухьафтын зэрылъ зэнэкъокъухэр къалэу Элиста щэкIох.

ТекIоныгъэм ыкIи хагъэунэфыкIырэ чIыпIэхэм афэбэнэнхэу Къалмыкъым кIуагъэх Мыекъуапэ ипшъа­шъэхэри.
Олимпийскэ резервым испорт еджапIэу В. С. Максимовым ыцIэ зыхьырэм зыщызыгъасэхэрэм турнирым иапэрэ мафэ гъэхъэгъэшIухэр щашIынхэ алъэкIыгъ. Спортым имастер хъунхэмкIэ кандидатхэм япрограммэ къыдыхэлъытагъэу купхэм язэнэкъокъу зыщызыушэтыгъэхэ Елизавета Годынюк, Анастасия Червяковам, Маргарита Чаликиди, Къош Аминэ ыкIи София Быковам тыжьын медальхэр къахьыгъэх. Ахэм ятренерых Яна Цехановичрэ Яна Кострэ. Тикомандэ ыпэ ишъыгъэх Астраханскэ хэкум ыкIи Къалмыкъ Республикэм яспортсменкэхэр.
Урысыем ишъолъыр 25-мэ къарыкIыгъэ командэ 30 Iофтхьабзэм хэлажьэ. Зэнэкъокъухэр мэлылъфэгъум и 24-м нэс кIощтых.