Шварц и Унэ ар къыщагъэлъэгъуагъ. Я 19-рэ лIэшIэгъум ыкIэм Мыекъуапэ щытырахыгъэгъэ сурэти 10 ащ хэхьэ. Ахэр Ставропольскэ къэралыгъо тарихъ-культурнэ музеим ыкIи чIыопс-ландшафт музей-заповедникым яфондхэм ачIэлъыгъэх.

Сурэт техыгъэхэр бэ мыхъухэми, гъэшIэгъоных, илъэс пчъагъэкIэ узэкIэ­Iэбэжьмэ Мыекъуапэ зыфэдагъэр уагъэлъэгъу. Ставропольскэ ыкIи Екатеринодарскэ Архиепископэу Агафодор чылысхэр къыкIухьанхэу зекIо зежьэм Мыекъуапэ къэсыгъагъ. 1895-рэ илъэсым Iоныгъом и 13-м мэфэкI шIыкIэм тетэу ащ пэгъокIыгъагъэх ыкIи Успенскэ, Свято-Троицкэ, Александро-Невскэ чылысхэр ыкIи нэмыкIхэр къырагъэп­лъыхьэгъагъэх. Гъогу техьажьы зэхъум сурэт 25-рэ зыдэт альбомым Мые­- къуапэ зэрэщыIагъэр къэзыушыхьатрэ тхыгъэ тетэу ратыгъагъ, сурэти 10-р Мыекъуапэ итеплъэ фэгъэхьыгъагъ.

Къэгъэлъэгъоным хэт сурэтхэм Покровскэ чылысым исурэт ахэт, ар я ХХ-рэ лIэшIэгъум ия 30-рэ илъэсхэм адэжь зэхагъэтэкъогъагъ, джащ фэдэу Александро-Невскэм ыкIи Свято-Троицкэ чылысхэм ясурэтхэр ахэтых. Къэ­гъэлъэгъоным екIуалIэхэрэм джащ фэдэу урамэу Соборнаяр (джырэкIэ Первомайскэр) зыфэдагъэр алъэгъун алъэ­-кIыщт.
Къэгъэлъэгъоным икураторыр проектэу «Шварц и Ун» зыфиIорэм иволонтерэу Ирина Константиновар ары.
ДжырэкIэ альбомыр Ставропольскэ къэралыгъо тарихъ-культурнэ музеим чIыопс-ландшафтнэ музей-заповедникым яфондхэм ачIэлъых. Шварц и Унэ дашIыгъэ зэзэгъыныгъэм ишIуагъэкIэ сурэти 10-м къащагъ, ахэм атепшIыкIыжьы е сурэт атепхы хъущтэп.
ДЕЛЭКЪО Анет.
Сурэтыр: Шварц и Унэ ихъарзынэщ.