Республикэм икомандэ шъхьаIэу «Зэкъошныгъэм» ифутболист цIэрыIоу, анахьыбэрэ къэлап­чъэм Iэгуаор дэзыдзагъэу Ана­толий Абрамовым ишIэжь фэгъэхьыгъэ зэнэкъокъу Мыекъуапэ щыкIуагъ.

Турнирэу «Абрамовым и Кубок» зыфиIорэр гъэшIэгъонэу, узIэпищэу рекIо­кIыгъ. Футболистхэр аныбжь елъытыгъэу купитIоу гощыгъагъэх. Зыныбжь илъэс 40-м емыхъугъэхэр олимпийскэ шIыкIэм тетэу зэнэкъокъугъэх. ЗэкIэмкIи командэ 14-мэ заушэтыгъ. Финалым ихьагъэх «Ошъутенэр» ыкIи «Легионыр». Апэрэхэм мы зэнэкъокъум тфэгъогогъо текIоныгъэр къыщыдахыгъ, мызыгъэгуми ахэр нахь лъэшыгъэх, яхэнэрэу «Абрамовым и Кубок» афагъэшъошагъ. Къэлапчъэм Iэгуар дэзыдзагъэр «Ошъутенэм» икапитанэу Мазлэ Арсен.
Ветеранхэм ялигэ текIоныгъэр къыщыдихыгъ «Лъэпкъ гвардием идзэхэр» зыфиIорэм. ЯтIонэрэ чIыпIэр «Альфа-Юг» фагъэшъошагъ.