Псауныгъэм и Дунэе мафэ фэгъэхьыгъэ Iофтхьабзэу «ЩыIэныгъэм екIурэ лъэбэкъу мини 10» зыфиIорэм Мыекъуапэ хэлэжьагъ.

Общественнэ организациеу «Лига здоровья нации» илъэс къэс зэхищэрэ марафоным цIыфыбэ зэрепхы.
Адыгеим илIыкIохэр Мые­къуапэ игупчэу «Зэкъошныгъэм» щызэрэугъоигъэх, зэкIэмкIи нэбгыри 101-рэ. Iофтхьабзэр зыщаухыгъэр къэлэ паркым дэт арт-псэуалъэу «МыIэрыс» зыфиIорэм дэжь.
Мыекъуапэ физическэ культу­рэмкIэ ыкIи спортымкIэ и Комитет къызэрэщаIуагъэмкIэ, пшъэ­рылъыр зыгъэцэкIагъэхэм дипломхэр афагъэшъошагъэх, джащ фэдэу ахэр шIухьафтын зэфэ­шъхьафхэм афэбэнагъэх.
Лъэбэкъу мини 10 къэзыкIу­гъэхэм япсауныгъэ агъэпытагъ, Iофтхьабзэм гухахъо хагъотагъ.