ГандболымкIэ Урысыем и Суперлигэ ипэ­шIо­рыгъэшъ едзыгъо иятIонэрэ къекIокIыгъо къы-
дыхэлъытэгъэ аужырэ ешIэгъоу «АГУ-Адыифым» иIагъэм «Университетым» щыте­кIон ылъэкIыгъэп, пчъагъэр зэфэдизэу ар аухыгъ.

«Университет» — «АГУ-Адыиф» — 26:26 (11:16)
Адыгеим икъэлэ шъхьаIэ ­икомандэ текIоныгъэр къыдихыным ущыгугъынэу щытыгъ,
сыда пIомэ мы аужырэ уахътэм иешIакIэ хэпшIыкIэу ригъэхъугъ. «АГУ-Адыифым» игандболисткэ 16 Ижевск кIуагъэх. Апэрэ та­къикъ­хэм къащегъэжьагъэу ти­пшъашъэхэр дэгъоу джэгугъэх, Iогоуи 6-кIэ бысымхэм апэ итхэу уахътэ къыхэкIыгъ. ЕшIэгъур аухынкIэ такъикъи 10 къэнагъэу хьакIэхэр Iэгоуи 5-кIэ ыпэ итыгъэх (19:24). Мыщ дэжьым цыхьэшIэгъоу ешIагъ къэлъэпчъэIутэу Людмила Баскаковар. Iэгоо 43-у къадзыгъэм щыщэу 18-р ащ къы­зэкIидзэжьыгъ. Ау Алексей Гузовым ыгъэсэрэ гандболисткэхэм яешIакIэ къыщыкIагъ ыкIи аужырэ такъикъи 7-м дэй дэдэу ешIагъэх. Мы уахътэм къэлапчъэм зы Iэгуау ныIэп дадзагъэр. «Университетым» гуетныгъэ къызхигъэфагъ, зэнэкъокъум апэрэ очко къыщихьыным фэбэнагъ ыкIи ар къыдэхъугъ, пчъагъэр 26:26-у зэIукIэгъур аухыгъ.

«Университетым» щешIагъэх:
къэлэпчъэIутхэр — Савельевар, Романовар. Васильевар — 6, Шулятьевар — 4, Голубевар — 4, Низовцевар — 4, Басанговар — 3, Вахрушевар — 3, Жуковар — 1, Храмовар — 1.
«АГУ-Адыифым» хэтыгъэх:
къэлэпчъэIутхэр — Баскаковар, Пивневар. Хавронинар — 5, Коблыр — 5, Сергиенкэр — 4, Кавера — 4, Бондаренкэр — 2, Краснокутскаяр — 2, Локян — 1, Къэбжьыр — 1, Зарецкаяр — 1, Алексеевар — 1.
Командэхэр зыдэщыт чIыпIэхэр ыкIи очко ­пчъагъэу рагъэкъугъэр:

1. «Динамо-Синара» — 29.
2. «Звезда» — 28.
3. «Луч» — 19.
4. «АГУ-Адыиф» — 9.
5. «Университет» — 1.
   Мы ешIэгъум командэхэр зыдэщыт чIыпIэхэр зэблихъугъэп, купэу «Б-м» «АГУ-Адыифым» я 4-рэ чIыпIэр щиубытыгъ, зэкIэ командэхэр пштэмэ я 10-м щыт. Джы зэфэхьысыжь едзыгъор рагъэжьэщт, ащ къыдыхэлъытагъэу республикэм илIыкIохэр «Лучым» ыкIи «Университетым» ягандболисткэхэм адешIэщтых. Ахэр я 9 — 11-рэ чIыпIэхэм афэбэнэщтых.