Атлетикэ онтэгъумкIэ Урысыем изэнэкъокъу Краснодар краим ипсэ­упIэу Сукко щыкIуагъ. Илъэс 13 — 15 ыкIи 13 — 17 зыныбжьыхэм заушэтыгъ. Урысыем ишъолъыр 56-мэ къарыкIыгъэ спортсмен анахь лъэшхэр зэнэкъокъугъэх.

Адыгэ Республикэм илIыкIохэм гъэхъэгъэшIухэр ашIыгъэх, медалыбэ къахьыгъ. АнахьыкIэхэм якуп хэтыгъэхэ Ламыкъо Амиррэ Цэй Асхьадрэ хагъэунэфыкIырэ чIыпIэхэр къыдахыгъэх. Нахьыжъхэм якуп къыщыхэщыгъэх Ацумыжъ Самир, Ордэкъо Астемир ыкIи Иван Токарчук. Мыхэми республикэм медальхэр къыфахьыгъэх. Лъэшэу тигъэгушIуагъ Адыгеим илIыкIоу Никита Карповым. «РывокымкIэ» мыр зэкIэми анахь лъэшыгъ, екIолIэгъуитIум изэфэхьысыжьхэмкIэ тыжьын ме­даль къыфагъэшъошагъ.
Ацумыжъ Самир, Роман Оглы ыкIи Андрей Кармановым Урысыем спортымкIэ имастер хъунхэмкIэ шапхъэр агъэцэкIагъ. Команднэ зэнэкъокъухэм (на­хьыжъхэм якуп) Адыгеим ящэнэрэ чIыпIэр къыщыдихыгъ.
Тиспортсменхэм ыкIи ахэр зыгъасэхэрэм тафэгушIо, тапэкIи мыщ фэдэ гъэхъэгъэшIухэр ашIынхэу афэтэIо.