Культурэ хэхъоныгъэмкIэ Гуп­чэу «Ошъад» зыфиIоу Хьакъунае щагъэуцугъэм культурэм иIофышIэ и Мафэ ипэгъокIэу мэфэкI Iофтхьабзэ щыкIуагъ.

ХьакIэхэр, къулыкъу, общественнэ зэ­хахьэхэм ялIыкIохэр, Мыекъуапэ итвор­­ческэ куп зэфэшъхьафхэр, къутыр­дэсхэр мэфэкIым хэлэжьагъэх.
КъэIогъэн фае, «Ошъадэр» псэолъакI. Цэй Розэ, Мыекъопэ администрацием культурэмкIэ и ГъэIорышIапIэ ипащэ, Джарымэкъо Азмэт, къалэу Мые­къуапэ инароднэ депутатхэм я Совет итхьаматэ культурэм иIофышIэхэм ямэфэкIэу къэблагъэрэмкIэ къафэгушIуагъэх.

Культурэм ихэхъоныгъэкIэ Гупчэм непэ щэлажьэх творческэ купхэу «Бэгъэуджыр», «Ащэмэзыр», «Синди­кэр». Ахэм анэмыкIхэу кIэлэцIыкIу орэдыIо купхэу «Ви-за-ви», «Шанс» ыкIи кIэлэцIыкIу къэшъокIо купэу «Непоседы». Непэ ахэм ищыкIагъэм фэдэу Iоф ашIэнымкIэ, загъэхьазырынымкIэ къатитIу хъурэ Гупчэм амалышIухэр къаретых.
Творческэ купхэм къатыгъэ мэфэкI къэгъэлъэгъоным ыуж Iофтхьабзэм хэлэжьагъэхэр зэкIэ экскурсием рагъэ­блэгъагъэх. Культурэм ихэхъоныгъэкIэ апэрэ гупчэу Адыгеим иIэм иамалхэр зэрагъэлъэгъугъ.