ГандболымкIэ бзылъ­фыгъэ командэу «АГУ-Адыифыр» Волгоград къикIыгъэ командэу «Динамо-Синара» Мыекъуапэ зыщыIокIэм, Уры­сыем ичемпио­нат и Суперлигэ икупэу «Б-м» хэфэныр къы­дэхъугъэп.

«АГУ-Адыиф» (Мые­къуап) — «Динамо-Синара» (Волгоград) — 28:37 (14:20)
Мыекъуапэ икомандэ апэрэ такъикъ 24-м дэгъоу ешIагъ, хьа­кIэхэм апэ итэуи хъугъэ. Зэрэкомандэу алъэкI къагъэнагъэп. Ау апэрэ таймым ыуж Волгоград икомандэ нахь чанэу ешIэу ыублагъ, нахь пхъашэуи зыкъыухъу­мэжьыщтыгъ. Ащ фэдэ ешIакIэм типшъэшъэжъыехэр фэхьазы­рыгъэхэп ыкIи пчъагъэр 14:20-у апэрэ ешIэгъу уахътэр аухыгъ.

Зыгъэпсэфыгъо ужыми зэхъо­кIыныгъэ фэхъугъэп, Iэгоуи 6-кIэ хьакIэхэр апэ итыгъэх я 54-рэ такъикъым нэс. Такъикъи 6-у къэнагъэми «Динамо-Синара» ыпэ итыгъ. Мыщ иешIакIохэм анахь чанэу къахэщыгъэх София Романенкэмрэ (гъогогъу 11 ди­дзагъ) Екатерина Долматовамрэ. «АГУ-Адыифым» анахь чанэу щешIагъэу хагъэунэфыкIыгъ. Лилия Кавера, ащ гъогогъуи 5 Iэгуаор къэлапчъэм дидзагъ. Пчъа­гъэр 37:28-у хьакIэхэр типшъа­шъэхэм къатекIуагъэх.

«АГУ-Адыифым» щешIа­гъэхэр:
къэлэпчъэIутхэр: Баскаковар, Гобадзе, Пивневар;
ешIакIохэр: Кавера — 5, Коблыр — 5, Бондаренкэр — 4, Коваленкэр — 3, Хавронинар — 3, Краснокутскаяр — 2, Болоба — 2, Алексеевар — 1, Локоян — 1, Зарецкаяр — 1, Сергиенко Ар. — 1.
«Динамо-Синара» хэты­гъэхэр:
къэлэпчъэIутхэр: Старковар, Ко­лесниковар, Дувакинар;
ешIакIохэр: Романенкэр — 11, Н. Долматовар — 6, Загородневар — 4, Безбабных — 4, Шкитинар — 4, Васильевар — 4, Лыжинар — 2, Чешевар — 1, Скивко — 1.
Тикомандэ къызэрэтекIуагъэ­хэм турнир таблицэм зэхъокIыныгъэ фишIыгъэп. Купэу «Б-м» «АГУ-Адыифым» я 5-рэ чIыпIэр щиIыгъ, Суперлигэм икомандэхэмкIэ — я 10-рэ чIыпIэр. Гъэт­хапэм и 29-м тикомандэ Москва кIощт, командэу «Луч» IукIэщт.
ЧIыпIэу зыдэщытхэр ыкIи очко пчъагъэу рагъэкъугъэр:

1. «Динамо-Синара» (Волгоград) — 29
2. «Звезда» (Звенигород) — 24
3. «Луч» (Москва) — 17
4. «АГУ-Адыиф» (Мые­къуап) — 8
5. «Университет» (Ижевск) — 0.