Къыблэ Федеральнэ шъолъырым боксымкIэ и Первенствэу илъэс 13 — 14 ыкIи 15 — 16 зыныбжьыхэр зыхэлэжьагъэхэм Адыгеим ибоксерхэм медаль 12 къыщахьыгъ. Республикэр а зэнэкъокъухэм къащагъэлъэгъуагъ спортсмен 42-мэ.

Мыекъопэ районым испорт­сменхэр анахь IэпэIасэхэу къычIэкIыгъ. Илъэс 15 — 16 зыныбжьыхэм азыфагу текIоныгъэр къыщыдихыгъ Никита Масленниковым (кг 63-рэ). Илъэс 13 — 14 зыныбжьыхэм азыфагу анахь дэгъоу зыкъы­щигъэлъэгъуагъ Мелик Аветисян (кг 48-рэ). Нэбгыри­тIури егъасэх Адыгеим изаслуженнэ тренерэу Григорий Бегларян. Урысыем боксымкIэ и Первенствэ мы кIалэхэр Адыгеим ыцIэкIэ хэлэжьэщтых.
Урысыем и Первенствэ хэлэжьэнхэм ифитыныгъэ къыдахыным пэблэгъагъэх Валерий Назриевымрэ Лъэцэрыкъо Ислъамрэ.
Джэрзыр къахьыгъ КIэдэ­кIой Казбек, Владислав Уша­ковым, Арсен Крикорян, Марк Навоян, Болэт Рэщыд, Ацумыжъ Иляс, Максим Дерибас ыкIи Давид Федоренкэм.