Адыгэ Республикэм хэгъэгу кIоцI IофхэмкIэ и Министерствэ экстремизмэм пэуцужьыгъэнымкIэ игупчэрэ Урысыем щынэгъон­чъэнымкIэ и Федеральнэ къулыкъу АдыгеимкIэ и ГъэIорышIапIэрэ яIофышIэхэм зэдызэхащэгъэ Iоф­тхьабзэхэм нафэ къызэрашIы­гъэмкIэ, Мыекъуапэ дэс хъулъ­фыгъэу илъэс 48-рэ зыныбжьым Урысые Федерацием экстремистскэ движениеу щалъытагъэм ита­мыгъэу ыкIышъо тешIыхьагъэр социальнэ хъытыумкIэ цIыф жъу­гъэхэм аригъэлъэгъущтыгъ.

Ащ ехьыщыр хэбзэукъоныгъэ зэришIыгъэмкIэ мы хъулъфыгъэм 2024-рэ илъэсым иIоныгъо адми­нистративнэ пшъэдэкIыжь рагъэ­хьыгъагъ.
Урысые Федерацием и Кодексэу административнэ хэбзэукъоныгъэхэм афэгъэхьыгъэм ия 20.3-рэ статья зигугъу къышIырэ административнэ хэбзэукъоныгъэ ыпэкIэ зышIыгъэгъэ хъулъфыгъэу административнэ пщыныжь зэрагъэхьыгъэм экстремистскэ движением итамыгъэ цIыф жъу­гъэхэм зэраригъэлъэгъущтыгъэм пае Урысыем и Уголовнэ кодекс ия 282.4-рэ статья иа 1-рэ Iахь диштэу следственнэ къулыкъухэм уголовнэ Iоф къыфызэIуахыгъ.
Хэбзэгъэуцугъэу щыIэр зыу­къуагъэм мы статьям диштэу илъэ­си 4-м нэсэу хьапс тыралъхьан алъэкIыщт.
Урысыем щынэгъончъэнымкIэ и Федеральнэ къулыкъу
Адыгэ РеспубликэмкIэ и ГъэIорышIапIэ
ипресс-къулыкъу.