Сомэ мини 100-м ехъу къарагъэпщыныжьыгъ
ПшъэдэкIыжьэу ыхьырэмкIэ гъунэпкъэ гъэнэфагъэ зиIэ обществэу «Газпром межрегионгаз Мыекъуапэ» зыфиIорэм илIыкIохэмрэ хьыкум приставхэмрэ гъэстыныпхъэ шхъуантIэр зыгъэфедагъэхэу, ау ащ ыпкIэ къэзымытыхэрэм алъэныкъокIэ Iофтхьэбзэ гъэнэфагъэхэр рагъэкIокIыгъэх.
ЦIыфхэм чIыфэу зэIуагъэкIагъэр къарагъэпщыныжьыным ахэр фытегъэпсыхьэгъагъэх.
Хьыкумым унашъоу ышIыгъэр яIэубытыпIэу ыкIи хьыкум приставхэр яIэпыIэгъухэу пшъэдэкIыжьэу ыхьырэмкIэ гъунэпкъэ гъэнэфагъэ зиIэ обществэу «Газпром межрегионгаз Мыекъуапэ» зыфиIорэм илIыкIохэр псэупIэхэм арыт газ оборудованиехэм якIолIэнхэ алъэкIыгъ. ЧIыфэ зытелъхэм ащыщыбэхэм илъэс пчъагъэхэм газыпкIэр атыщтыгъэп.
Iофтхьабзэу зэхащагъэхэм яшIуагъэкIэ чIыфэм щыщэу сомэ мини 100-м ехъу къызэкIагъэкIожьыгъ.
Хьыкум приставхэм я Федеральнэ къулыкъу и ГъэIорышIапIэу
АР-м щыIэм ипресс-къулыкъу.