ФутболымкIэ Краснодар краим ипервенствэ хэлэжьэрэ республикэ футбольнэ еджапIэм икомандэ зыхэт купым апэрэ чIы­пIэр щиIыгъ.

Зыныбжь илъэс 14-м емы­хъугъэ кIалэхэр ары зызыушэты­хэрэр.
Тренер-кIэлэегъаджэу Александр Белоус ыгъэсэрэ футболист ныбжьыкIэхэм ешIэгъуитIу яIагъ. Апэрэм Мостовской районым икомандэу «Торпедо» зыфиIорэм 3:1-у щытекIуагъ, ятIонэрэр Ермэлхьаблэ испорт еджапIэ икоман­дэ 20:0-у къышIуихьыгъ. Купым зэкIэмкIи команди 4 хэт.
ЗэхэщакIохэм зэрагъэнэфа­гъэмкIэ, куп 12-м текIоныгъэр къа­щыдэзыхыгъэхэр ыкIи ятIонэрэ чIыпIэр къызфагъэшъошэгъэ командэ анахь дэгъуи 4-р финал едзыгъом ихьащтых. Ар хы ШIуцIэ Iушъом щыкIощт.
Ящэнэрэ турым тикомандэ Мыекъуапэ щешIэщт, непэ Мос­товской районым илIыкIохэр тихьакIэщтых.