Лабинск щэкIо
Теннис цIыкIумкIэ Къыблэ федеральнэ шъолъырым ипервенствэ къалэу Лабинск щэкIо.
Зыныбжь илъэс 16-м нэмысыгъэ кIалэхэр ыкIи пшъашъэхэр ащ хэлажьэх. Адыгэ Республикэр кIэли 9-мэ ыкIи пшъэшъи 7-мэ къагъэлъагъо. Джырэ уахътэм ехъулIэу команднэ зэнэкъокъухэр аухыгъэх. ТикIалэхэм я 5-рэ, типшъашъэхэм я 7-рэ чIыпIэхэр къафагъэшъошагъэх.
Непэ унэе зэнэкъокъухэр аублагъэх. Апэрэ нэбгыритфыр Урысыем ипервенствэ ифинал едзыгъо хэлэжьэнхэ алъэкIыщт. Зэнэкъокъухэр гъэтхапэм и 14-м аухыщтых.