Адыгэ Республикэм наукэмкIэ иIофышIэхэу лъытэныгъэ зыфэтшIыхэрэр!

Урысые наукэм и Мафэ фэшI тышъу­фэгушIо!
Мы мафэр тишIэныгъэлэжьхэм ягъэ­хъагъэхэм, Урысыер нахь зэтегъэпсы­хьагъэ хъуным пае Iофышхоу ахэм агъэцакIэрэм, джыри лъэныкъуакIэхэр гъэунэфыгъэнхэм яшъыпкъэу зэрэдэлажьэхэрэм яшыхьатэу щыт.
Обществэм, экономикэм яхэхъоныгъэкIэ, технологиякIэхэр гъэфедэгъэнхэмкIэ наукэм бэ елъытыгъэр. ЦIыфхэм ящыIакIэ нахьышIу хъунымкIэ шIэныгъэлэжьхэм кIэу къыхахырэм мэхьанэшхо иI, тапэкIэ бгъэхъужьын умылъэ­кIыщт узхэу алъытэщтыгъэхэм ащыщыбэ агъэхъужьышъухэ хъугъэ, технологиехэм яхэхъоныгъэкIэ амалыкIэхэр агъэунэфыгъэх, унэшъо гъэнэфагъэхэр ихъухьэгъэнхэмкIи лъэпсэ къэкIуапIэхэр щыIэхэ хъугъэ.
Экономикэм шIуагъэу къытырэм зыкъегъэIэтыгъэнымкIэ, предприниматель IофшIэным зегъэушъомбгъугъэнымкIэ, инвестициехэр нахьыбэ хъунхэмкIэ пэрыт ушэтэкIо гупчэхэр щыIэхэ зэрэхъугъэм ишIогъэшхо къэкIо.
Культурнэ-тарихъ кIэныр къэухъумэгъэнымкIэ наукэм мэхьэнэ гъэнэфагъэ иI. Ащ амал къеты саугъэтхэм, тарихъ псэуалъэхэм, артефактхэм япхыгъэ тхылъхэр зэхэгъэуцогъэнхэмкIэ, ахэр къэтхыхьэгъэнхэмкIэ. Урысые Федерацием и Президентэу Владимир Пу­тиным къызэрэхигъэщыгъэмкIэ, «тарихъыр укъуагъэ мыхъунымкIэ, цIыф лъэпкъ зэфэшъхьафыбэу тихэгъэгу щыпсэухэрэр, тикультурэ, тилитературэ, шэн-хабзэхэу лIэшIэгъу пчъагъэхэр къызэпызычыгъэхэр къэухъумэгъэнхэмкIэ ащ мэхьанэшхо иI».
Хэгъэгум инаукэ къэзыухъумэрэ, ащ хэхъоныгъэ фэзышIырэ, Адыгеимрэ Урысыемрэ янаукэ зиIахьышIу хэзылъхьэрэ пстэуми тызэрафэразэр мы мафэм къатIо тшIоигъу.
Ныбджэгъу лъапIэхэр, зэкIэми ты­шъу­фэлъаIо псауныгъэ пытэ, щыIэкIэшIу шъуиIэнэу, шъуицыхьэ зытелъыжьынэу, Хэгъэгум инаукэ джыри нахь лъагэу зиIэтыным шъуиIахь хэшъушIыхьанэу!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ
шъолъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу Владимир Нарожнэр