Top.Mail.Ru

Нэбгырэ 450-рэ ахэлэжьагъ

Image description

КаратэмкIэ Адыгэ Республикэм изэIухыгъэ чемпионатрэ ипервенствэрэ къуаджэу Тэхъутэмыкъуае щыкIуагъэх.

Ащ кIэщакIо фэхъугъэх АР-м физическэ культурэмкIэ ыкIи спортымкIэ и Комитетрэ Урысыем каратэмкIэ и Федерацие и Адыгэ шъолъыр къутамэрэ.
Адыгеим ыкIи Краснодар краим ямуниципальнэ образовании 9-мэ яспортсменхэм заушэтыгъ. Мыекъуапэ, Адыгэкъалэ, Краснодар, Псыфабэ, Новороссийск, Мыекъопэ, Тэхъутэмыкъое, Кощхьэблэ ыкIи Динской районхэр къэзыгъэлъэгъогъэ нэбгырэ 450-рэ зэнэкъокъугъэх.
Лъэныкъоу «ограниченный контакт» зыфиIорэмкIэ зэнэкъокъум и Кубок къыдэзыхыгъэр Тэхъутэмыкъое районыр ары (тренерыр — Вячеслав Леус), Краснодар икомандэ ятIонэрэ чIыпIэр фагъэшъошагъ (зыгъасэхэрэр — Николай Деговцевыр), ящэнэрэ хъугъэ Динской районыр (тренерыр — Владимир Колбасиныр).
Лъэныкъоу «полный контакт» зыфиIорэм текIоныгъэр къыщыдахыгъ Мыекъуапэ испорт­сменхэм (тренерыр — Владимир Васильчен­кэр), ятIонэрэ чIыпIэр къыхьыгъ Мыекъопэ районым икомандэ (зыгъасэхэрэр — Никита Попругиныр), ящэнэрэ чIыпIэр афагъэшъошагъ Кощхьэблэ районым илIыкIохэм (тренерыр — ДышъэкI Умар).
Мы лъэныкъомкIэ апэрэ чIыпIэхэр къыдахыгъэх Мыекъуапэ испортсменхэм: Пако Астемир, Пако Самир, Пако Хьасан, Назар Христофоровым, Александр Коваленкэм, Семен Астапеевыр, Хьаджымэ Анжелинэ, Марина Ремез, Варвара Козловам, Александр Хрущ, Михаил Салангиным, Руслан Долматовым. Спортсменхэр Владимир Васильченкэм егъасэх.