Следственнэ комитетым иIофышIэхэу ыкIи иветеранхэу
лъытэныгъэ зыфэтшIыхэрэр!

Следственнэ комитетым къэралыгъом ифедэхэр, цIыфхэм яфитыныгъэхэр къеухъумэх, бзэджэшIагъэм пэшIуекIорэ бэнэныгъэм, хэбзэгъэуцугъэу щыIэхэр гъэпытэгъэнхэм иIахь ахешIыхьэ.
Следственнэ комитетым иIофышIэхэм яIэпэIэсэныгъэрэ ялIыхъужъныгъэрэ яшIуагъэкIэ бзэджэшIагъэхэр икъоу зэхафых, цIыфхэм яфитыныгъэхэр къаухъумэх, обществэми хэбзэгъэуцугъэхэм кIуачIэ зэряIэм нахь икъоу ицыхьэ ателъ мэхъу.
Урысые Федерацием и Следственнэ комитет ­иследственнэ гъэIорышIапIэу Адыгэ Республикэм щыIэм ипащэхэм ыкIи иIофышIэхэм лъэшэу тызэрафэразэр непэ къэтэIо. Ахэр якъулыкъу фэшъыпкъэх, Адыгэ Республикэм общественнэ-политикэ зыпкъитыныгъэ илъыным яIахьышхо хашIыхьэ.
ЗэкIэми тышъуфэлъаIо псауныгъэ пытэ, щыIэкIэшIу шъуиIэнэу, Адыгеимрэ Урысыемрэ яфедэ зыхэлъ къулыкъум тапэкIи гъэхъагъэхэр щышъушIынхэу!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу
КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу
Владимир Нарожнэр