Амыгъэкощырэ мылъкум хэхьэрэ псэуалъэр шIухьафтынэу зэзытыжьхэрэм ар къэзыушыхьатырэ тхылъыр (договор дарения) шIокI имыIэу нотариусым дэжь щагъэпсыным фэгъэхьыгъэ хэбзэгъэуцугъэм , 2025-рэ илъэсым, щылэ мазэм и 13-м кIуачIэ иIэ хъугъэ.

УФ-м игражданскэ Кодекс иятIонэрэ Iахь ия 574-рэ статья ия 3-рэ пункт зэхъокIыныгъэу фашIыгъэхэм къызэращиIорэмкIэ, цIыфэу мылъкур шIухьафтынэу зэзытыжьхэрэм язэфыщытыкIэ (зэIахьылхэми, зэмыIахьылхэми) емы­лъытыгъэу, зэзэгъыныгъэр нотариусым дэжь щызэдашIын, хабзэр е фитыныгъэ­хэр укъуагъэ зэрэмыхъурэр ащ къыу­шыхьатын фае.
«Договор дарения» зыфаIорэр зым имылъку къымыгъэзэжьынэу адрэм зэ­рэритыгъэр къэзыушыхьатырэ тхы­лъыр ары. Мылъкур ащ тетэу зытын фитыр ар зиунаер ары. Амыгъэкощырэ мылъкур шIухьафтынэу физическэ, юридическэ лицэхэм е къэралыгъом яптын уфит. Фэтэрыр е нэмыкIэу амыгъэкощырэ мылъкум хэхьэрэ псэуа­лъэр зэрэщытэу е гощыгъэу, ащ щыщ Iахь птын плъэкIыщт.
УФ-м и Къэралыгъо Думэ къызэ­рэщыхагъэщырэмкIэ, зэзэгъыныгъэм игъэпсын охътабэ темыкIодэнэу хэбзэгъэуцугъэм къышIыгъ, гъэпцIакIохэм, бзэджашIэхэм хъоршэрыгъэкIэ е агъэщынэзэ цIыфым ар рагъэшIын джы алъэкIыжьыщтэп.