ГандболымкIэ Урысыем и Суперлигэ хэт «АГУ-Адыифыр» командэу «Кубань» зыфиIорэм дешIагъ. ХьакIэхэм текIоныгъэр къыдахыгъ нахь мышIэми, бысымхэри къызэкIэкIуагъэхэп, ухьазырыныгъэ дэгъу къагъэлъэ­гъуагъ.

«АГУ-Адыиф» — «Кубань» — 29:36 (14:17)
«Кубань» зэIукIэгъур ыхьыгъ, ау текIоныгъэр къыдихыныр
къы­фэпсынкIагъэп. Я 8-рэ та­къикъым ехъулIэу «АГУ-Адыифыр» 5:1-у текIощтыгъ. Дэгъоу ешIагъэх командэм икапитанэу Кобл Зуретрэ Елизавета Суз­дальцевамрэ. Апэрэм къэлапчъэм Iэгоуи 5, ятIонэрэм — Iэгоуи 9 дадзагъ. Я 20-рэ такъи­къым нэс республикэм илIыкIохэр пчъагъэмкIэ ыпэ итыгъэх, ау ащ ыуж хьакIэхэм яешIакIэ агъэ­лъэшыгъ ыкIи текIоныгъэр къыдахыгъ. Мыекъуапэ щагъэсэгъэ ыкIи джырэ уахътэм «Кубань» хэт Алина Морозовам къэлапчъэм Iэгоуи 9 дидзагъ.
«АГУ-Адыифым» хэтыгъэх:
къэлэпчъэIутхэр — Гобадзе, Баскаковар, Пивневар. Суздальцевар — 9, Краснокутскаяр — 6, Коблыр — 5, Коваленкэр — 4, Бондаренкэр — 2, Къэбжьыр — 1, Болоба — 1, Алексеевар — 1.

«Кубань» щешIагъэх:
къэлэпчъэIутхэр — Якуповар, Пойловар, Михайлюта. Морозо-
вар — 9, Лебедевар — 9, Савиновар — 7, Кондратенкэр — 4, Голуб — 3, Овчинниковар — 1, Хьэкуамэ — 1, Серадскаяр — 1, Валгузовар — 1.
Я 18-рэ турым изэфэхьысыжьхэр
«Черноморочка» — «Университет» — 31:21, «Астраханочка» — «Ростов-Дон» — 27:35, «Динамо-Синара» — «Звезда» — 32:31, «Луч» — «Лада» — 30:30, «АГУ-Адыиф» — «Кубань» — 29:36.
Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Ростов-Дон» — 36.
2. «Черноморочка» — 28.
3. «ЦСКА» — 26.
4. «Астраханочка» — 24.
5. «Кубань» — 21.
6. «Лада» — 17.
7. «Динамо-Синара» — 15.
8. «Звезда» — 10.
9. «Луч» — 9.
10. «АГУ-Адыиф» — 2.
11. «Университет» — 0.
    КъыкIэлъыкIощт зэIукIэгъур «АГУ-Адыифым» Тольятти щыриIэщт, щылэ мазэм и 15-м ­командэу «Ладэм» дешIэщт.