Лъэс зекIонымкIэ Iофтхьабзэу «Спортивная перезагрузка» зыфиIорэр республикэм щэкIо. Ащ кIэщакIо фэхъугъ Мыекъуапэ физическэ культурэмкIэ ыкIи спортымкIэ и Комитет.

Илъэси 5 хъугъэу мыщ фэдэ зэнэкъо­къухэр, марафонхэр тишъолъыр щырагъэ­кIокIых. Мыекъуапэ, республикэм ирай­онхэм ямызакъоу, Урысыем ишъолъыр зэфэ­шъхьафхэм ялIыкIохэр ахэм ахэлажьэх. Мызыгъэгум зэхэщакIохэм пшъэрылъэу къагъэуцугъэр Iофтхьабзэм зыщызыу­шэтыхэрэм мэфи 7-м къыкIоцI лъэбэкъу мини 140-рэ къакIуныр ары, мафэ къэс гурытымкIэ лъэбэкъу мин 20 е километрэ 15.
Апэу марафоным къыдилъытэрэ шапхъэ­хэр зыгъэцэкIагъэр Мыекъуапэ щыпсэурэ Псэунэ Назир. Мыщ апэрэ мафэм лъэбэкъу мини 100 къыкIугъ. Джырэ уахътэм ехъулIэу нэбгырэ 70-рэ фэдизыр пшъэрылъэу зыфагъэуцужьыгъэр агъэцэкIэным пэблагъэх. Марафоныр щылэ мазэм и 12-м аухыщт. Шапхъэхэр зыгъэцэкIагъэхэм дипломхэр ыкIи шIухьафтынхэр афагъэшъошэщтых.