2024-рэ илъэсым республикэ перинатальнэ гупчэм кIэлэцIыкIу 3105-рэ къыщыхъугъ. Ахэм ащыщэу 1670-р – кIалэх, 1435-р – пшъашъэх.
2025-рэ илъэсым апэрэ сабыеу Адыгеим къыщыхъугъэр пшъэшъэжъый, грамм 3570-рэ къыщэчыщтыгъ, сантиметрэ 51-рэ икIыхьагъ. Сабыибэ зэрыс унагъом ар яплIэнэрэу къихъуагъ. Мы уахътэм ехъулIэу ащ фэдэ унэгъо мини 9, 6-м ехъу республикэм щатхыгъ.
АР-м псауныгъэр къэухъумэгъэнымкIэ и Министерствэ къызэритыгъэмкIэ, сабый къызфэхъугъэ бзылъфыгъэхэм анахьыбэм аныбжьыр илъэс 25 ­— 33-рэ: анахь ны ныбжьыкIэм – илъэс 15, анахьыжъым – илъэс 45-рэ.