Адыгеим илъэсыкIэ мэфэкIхэр рэхьатхэу ыкIи ошIэ-дэмышIагъэ Iоф къыщымыхъоу щырекIокIыгъэх. АР-м и ЛIышъхьэ къызэритыгъэмкIэ, мэфэкI зыгъэпсэфыгъо мафэхэм елбэт къулыкъум иIофышIэхэм дежурствэ ахьыгъ, цIыфхэм ящынэгъончъагъэ ыкIи ягупсэфыныгъэ къаухъумагъ. Арэущтэу щыт нахь мышIэми, мэфэкI мафэхэм машIор къызэкIэнагъэу агъэунэфыгъ.
Урысые Федерацием ошIэ-дэмышIэ IофхэмкIэ и Министерствэ и ГъэIорышIэпIэ шъхьаIэу Адыгэ Республикэм щыIэм къызэрэщаIуагъэмкIэ, машIор къызэкIэнэным лъапсэ фэхъугъэр кIымэфэ лъэхъаным хьакухэр пхъэкIэ зэрагъэплъыхэрэр ыкIи фабэр къэзытырэ пкъыгъохэр зэрагъэфедэхэрэр ары.
«КъэгъэнэжьакIохэм, врачхэм, хэбзэухъумэкIо къулыкъухэм, коммунальнэ хъызмэтшIапIэхэм – нэбгырэ миным ехъумэ, ясэнэхьат епхыгъэу хъугъэ-шIагъэ­хэм къыздахьырэ гумэкIыгъохэм ядэгъэзыжьын фэхьазырыгъэх. ЗэкIэми яIоф­шIэнкIэ сафэраз! ХэушъхьафыкIыгъэ дзэ операцием хэлэжьэрэ тидзэкIолIхэм лIыблэнагъэ хэлъэу къулыкъур ахьыгъ ыкIи ахьы. Тихэгъэгу ыкIи тикъэралыгъо ишIоигъоныгъэхэр къэзыухъумэхэрэ, щыIэкIэшIу тиIэным фэбэнэрэ тикIалэхэр тщыгъупшэхэрэп. ТапэкIи дзэкIолIхэм ыкIи ахэм яунагъохэм IэпыIэгъу тафэ­хъущт, тиамал елъытыгъэу тадэIэпы­Iэщт», — къыIуагъ АР-м и ЛIышъхьэ.