Теннис цIыкIумкIэ зэнэкъокъухэр Адыгеим икъэлэ шъхьаIэ щыкIуагъэх. ЗэлъашIэрэ тренерэу Кобл Якъубэ ишIэжь фэгъэхьыгъэ турнирым кIэщакIо фэхъугъэх Адыгэ къэралыгъо университетымрэ республикэ спорт еджапIэу N 3-мрэ.

Iофтхьабзэм хэлэжьагъэх Краснодар краим ыкIи Мыекъуапэ яспортсменхэр. Бзылъфыгъэ 27-мэ ыкIи хъулъфыгъэ 43-мэ заушэтыгъ. ЗэIукIэгъухэр гъэшIэгъонэу рекIокIыгъэх, спортсменхэм ухьазырыныгъэ дэгъу къагъэлъэгъуагъ.
Краснодар краим испортсменхэм зэкIэ хагъэунэфыкIырэ чIыпIэхэр къыдахыгъэх. ТекIоныгъэр къыдэзыхыгъэхэр Кристина Казанцевамрэ Черкес Руслъанрэ.