Адыгэ Республикэм щыпсэухэу лъытэныгъэ зыфэтшIыхэрэр!
ТичIыпIэгъу лъапIэхэр!
ИлъэсыкIэу къихьэрэмкIэ тышъуфэгушIо!

ГугъэпIэшIухэр зыдэтIыгъэу мы мэфэкI лъапIэм тыпэгъокIы, илъэсэу икIырэм икIэуххэр зэфэтэхьысыжьых, Iоф зыдэт­шIэщтхэр итэхъухьэх, тигупсэхэм, тиныбджэгъухэм, тиIофшIэгъухэм мэфэкIымкIэ тафэгушIо.
2024-рэ илъэсым лъэуж дахэ тищыIэныгъэ къыщигъэнагъ. Хъугъэ-шIэгъэ гушIуагъохэмкIэ, гъэхъагъэхэмкIэ ар хэткIи баигъэ. Тихэгъэгу федэ къыфэтхьы, Урысыем хэхъоныгъэ едгъэшIы зэрэтшIоигъуагъэм зэкIэми тызэрипхыщ­тыгъ.
Республикэм социальнэ-экономикэ хэхъоныгъэ езыгъэшIыгъэ пшъэрылъхэр гъэхъагъэ хэлъэу илъэсым къыкIоцI дгъэцэкIагъэх, псэупIэхэм язэтегъэ­псыхьан епхыгъэ Iофыгъохэр зэшIотхыгъэх, транспорт, инженер инфраструктурэм изытет нахьышIу зэрэтшIыщтым тыпылъыгъ, джырэ шапхъэхэм адиштэрэ унэхэр тшIыгъэх, еджапIэхэр дгъэпсыгъэх ыкIи дгъэкIэжьыгъэх, псауныгъэм икъэухъумэн фэгъэзэгъэ къулыкъухэм зядгъэушъомбгъугъ, промышленнэ псэолъакIэхэр ттIупщыгъэх, зекIо-рекреационнэ амалэу республикэм иIэхэм ягъэфедэнкIэ гъэхъагъэхэр тшIыгъэх, Адыгеими, Урысыеми ятарихърэ якультурэрэ якъэухъумэнкIэ Iофышхо зэшIотхыгъ.
Тизэкъотыныгъэ ишIуагъэкIэ тихэ­гъэ­гу гумэкIыгъоу къыфыкъокIыгъэхэр зэкIэ зэпытчынхэ тлъэкIыгъ. ХэушъхьафыкIыгъэ дзэ операцием хэлэжьэрэ тичIыпIэгъухэу Урысыем исуверенитет къэзыухъумэхэрэм лъэшэу тызэрафэразэр къэтэIо.
Хэгъэгу зэошхом ТекIоныгъэр къызыщыдахыгъэр илъэс 80 зэрэхъурэр къихьащт илъэсым хэдгъэунэфыкIыщт. Урысые Федерацием и Президент ­2025-рэ илъэсыр ТекIоныгъэшхом, Мамырны­гъэм, ЗыкIыныгъэм я Илъэсэу СНГ-м щигъэ­нэфагъ. Къихьащт илъэсым ихъугъэ-шIэгъэ шъхьаIэу щытыщтхэр а мэфэкIышхом епхыгъэ Iофтхьабзэхэр ары.
ТичIыпIэгъу лъапIэхэр!
МэфэкIыр къызыщыблагъэрэм псауныгъэ пытэ, щыIэкIэ-псэукIэ дэгъу шъуи­Iэнэу, шъунасыпышIонэу, Адыгеимрэ Урысыемрэ апае шъуиIофшIэн гъэхъагъэхэр щышъушIынхэу шъуфэтэIо! ­2025-рэ илъэсыкIэу къихьэрэм гушIогъуа­бэ къыздерэхь, текIоныгъакIэхэм яилъэ­сэу орэхъу!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу
Владимир Нарожнэр