«Адыгэ макъэм» инэкIубгъокIэ рэзэныгъэ гущыIэхэр къысэIэзэгъэ врачхэм афэзгъэхьыхэ сшIоигъу. Адыгэ республикэ клиническэ сымэджэщым травматологиемкIэ иотделение иврачэу Бислъангъур Айдэмыр сищыIэныгъэ къыгъэнагъ. Отделением Iут IофышIэхэми сымаджэхэм фыщытыкIэу афыряIэр къыхэзгъэщымэ сшIоигъу, Iэзэным дакIоу гущыIэ дахэхэр апагъохых. Купыр зэзыпхэу, IофшIэныр дэгъоу зэхэзыщэу отделением ипащэу ХъутIыжъ Тимур щытхъур къылэжьыгъ.
Джащ фэдэу гухэм зыщяIэзэхэрэ отделениеми сычIэлъынэу хъугъэ. Ащ къыщысэIэзэгъэ Пэрэныкъо Асе Бамбэт ыпхъум иIэпэIэсэныгъэ, ишIэныгъэхэм зыпкъ сыкъырагъэуцожьыгъ.
Сэ сшъхьэкIэ сырэгушхо ащ фэдэ Iазэхэр зэрэтиIэхэм.
ИлъэсыкIэу къэблагъэрэмкIэ тиврачхэм сафэгушIо, яунагъохэм псауныгъэ, насып, хахъо арылъэу бэрэ щыIэнхэу сафэлъаIо!
Ешэкъо Зурыет.
Ст. Джаджэр.