Казахстан икъалэу Актау тыгъуасэ тхьамыкIагъоу къы­щыхъугъэм цIыфхэр хэкIодагъэх – Баку къикIэу Грознэм быбыщтыгъэу «Азербайджан авиалиниехэм» якъу­хьэлъатэ къефэхыгъ.

Ащ нэбгырэ 62-рэ исыгъ, мыхэм анэмыкIэу 5-р экипажым щыщыгъэх, Урысыем ицIыфхэри ахэтыгъэх. Нэбгырэ 20-м ехъур медицинэм иучреждениехэм аращэлIагъэх, ахэм шъобж зэфэшъхьафхэр атещагъэ хъугъэх, ау псаух.
Адыгеим и ЛIышъхьэу КъумпIыл Мурат къэбарыр зызэхехым, тхьамыкIа­гъом хэкIодагъэхэм яIахьылхэм афэтхьаусыхагъ, япсауныгъэ зэтырагъэ­уцожьынэу къэнагъэхэм афэлъэIуагъ:
«Сэ сцIэкIи, Адыгэ Республикэм щыпсэухэрэм ацIэкIи хэкIодагъэхэм яунагъохэм сафэтхьаусыхэ. ТхьамыкIагъом шъобж хэзыхыгъэхэр псынкIэу алъэ къытеуцожьынхэу сафэлъаIо. Мы хъугъэ-шIэгъэ къиныр къызынэсыгъэ пстэуми Тхьэм кIуачIэрэ щэIагъэрэ
къарет».