ФутболымкIэ Адыгэ Республикэм икIымэфэ чемпионат къыдыхэлъытэгъэ ешIэгъухэр мы зыгъэпсэфыгъо мафэхэм командэхэм яIагъэх.

Нахьыжъхэр зыхэхьэрэ ветеранхэм ялигэ команди 5 хэт. Я 4-рэ турым «ВНГ-р» дахэу ­ешIагъ, «Зэкъошныгъэм» итренер шъхьа­Iэу Сергей Мирошниченкэр зыхэт «Щагъдыим» 5:1-у ар текIуагъ. «Делотехникэр» «Джокерым» нахь лъэшыгъ, пчъагъэр – 6:2.
Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «ВНГ» — 6.
2. «Щагъдый» — 6.
3. «Штурм» — 6.
4. «Делотехника» — 3.
5. «Джокер» — 3.
   Апшъэрэ лигэм щешIэрэ командэхэм зэIукIэгъуищ яIагъ. «МФОК Ошъутенэр» «МКУ СОЦ-м» текIуагъ, пчъагъэр – 4:2. Къэлапчъэм IэгоуитIу дидзагъ Сергей Безуховым. «АГУ-р» «СШОР-2008-м нахь лъэшыгъ. «Урожаимрэ» «Патриот 01 Улап» зыфиIорэмрэ язэIукIэгъу гъэшIэгъоныгъ. КомандитIуми ешIэкIэ дахэ къагъэлъагъо, текIоныгъэм фэбанэх. Апэрэ таймым икIэух къэлапчъэм Iэгуаор дидзагъ Александр Слюсар. ЯтIонэрэ таймыр аухынкIэ тIэкIу къэна­гъэу Делэкъо Аскэр пчъагъэр зэфэдиз ышIыгъ, 1:1-у зэIукIэ­гъур аухыгъ.
   Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «МФОК Ошъутен» — 7.
2. «Урожай» — 7.
3. «Патриот 01 Улап» — 4.
4. «АГУ» — 3.
5. «МКУ СОЦ» — 3.
6. «СШОР-2008» — 1.
7. «Картонтара-Шытхьал» — 0.
   Апэрэ лигэм хэт командэхэм ешIэгъуи 7 яIагъ, футболистхэм къэлапчъэм Iэгоо 43-рэ дадзагъ. «Ошъутенэр» «Дружинэм» те­кIуагъ, пчъагъэр – 10:4. «Легио­ныр» «Олимпым» нахь лъэшыгъ, пчъагъэр 9:1-у зэIукIэгъур ­ау­хыгъ. «МФОК Ошъутенэр» «Тульскэм», «Спормастер-2-р» «Хьатыгъужъы­къуаем», «Космосыр» «СШОР-2009-м», «Альянсыр» «Канонирхэм», «Спортмастерыр» «Кавказ Адэмыем» атекIуа­гъэх.
   Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Космос» — 9.
2. «Ошъутен» — 7.
3. «МФОК Ошъутен» — 7.
4. «Спортмастер-2» — 6.
5. «Хьатыгъужъыкъуай» — 6.
6. «Спортмастер» — 5.
7. «Легион» — 4.
8. «Тульскэр» — 4.
9. «Альянс» — 4.
10. «Кавказ Адэмый» — 3.
11. «СШОР-2009» — 1.
12. «Дружина» — 1.
13. «Олимп» — 1.
14. «Канониры» — 0.