ВолейболымкIэ зэнэкъокъоу «Зимний Кубок» зыфиIорэм Мыекъуапэ ипшъашъэхэм текIоныгъэр къыщыдахыгъ. Краснодар краим и Мостовской район щызэхащэгъэ турнирым командищ хэлэжьагъ. Илъэс 14 – 15 зыныбжьхэр ары зызыушэтыгъэхэр.

Адыгеир къэзыгъэлъэгъуагъэхэр къэлэ спорт еджапIэу С.М. Джэнчатэм ыцIэ зыхьырэм зыщызыгъасэхэрэр ары. Тикомандэ иешIэгъухэм зэкIэми текIоныгъэр къащыдихыгъ, апэрэ чIыпIэр къыфагъэ­шъошагъ. ПсэупIэу Мостовскоим илIыкIохэр ятIонэрэх, Новокубанскэ икомандэ ящэнэрэ хъугъэ.
Зэнэкъокъум иешIэкIо анахь дэгъоу къыхахыгъэ­хэм ащыщых Анюта Инюточкинамрэ Екатерина Хасратьянцрэ.