ЗекIохэм апае хьакIэщхэм яшIынкIэ Урысыем щыпэрыт шъолъырищымэ Адыгеир ахэфагъ.

Дагъыстанрэ Москварэ ыпэ ишъы­гъэх. Адыгэ Республикэр ящэнэр. АР-м зекIонымрэ зыгъэпсэфыпIэ­хэмрэкIэ и Комитет къытыгъэ къэбарымкIэ, зекIохэм апае хьакIэщхэр илъэс къэс шъолъырым къыщызэIуа­хых. Лъэпкъ проектэу «ЗекIоныр ыкIи хьакIэпэгъокIыныр» зыфиIорэм ишIуагъэкIэ, 2022-рэ илъэсым къыщыублагъэу Адыгеим исатыушI­хэм модульнэ хьакIэщ 18 агъэ­псы­нымкIэ къэралыгъо ахъщэ къафа­тIупщыгъ. Ащ фэшъхьафэу, онлайн шIыкIэм тетэу зыкIэупчIэхэрэ шъо­лъырхэмкIэ Адыгеир яенэрэ чIыпIэм щыт.
КIоцI зекIоным зызэриушъомб­гъурэм елъытыгъэу ащ ахъщэ хэлъхьэгъэн фаеу уахътэм къегъэлъагъо. Адыгеим ипащэхэм ар алъэгъу ыкIи Iоф дашIэ.
Анцокъо Ирин.