ИлъэсыкIэу къэблагъэрэм ипэгъокIэу Мыекъуапэ физическэ культурэмкIэ ыкIи спортымкIэ и Комитет лъэс зекIонымкIэ Iофтхьабзэу «Пешком в Новый год» зыфиIорэр зэхещэ. Джырэ уахътэм ащ хэлажьэмэ зышIоигъохэр атхых. Марафоныр тыгъэгъазэм и 23-м щегъэжьагъэу и 29-м нэс кIощт.

Iофтхьабзэм зыщызыушэтыщтхэм приложениеу «Шаги ВКонтакте» зыфиIорэм иамалхэр къызфагъэфедэзэ мэфи 7-м къыкIоцI лъэбэкъу мини 100 къакIун фае. Ар зы мафэм гурытымкIэ лъэбэкъу 14285-рэ е километри 10. Мы гъогууанэм икъэкIун сыхьати 2,5-рэ тефэ.
Iофтхьабзэм шъухэлажь, шъуипсауныгъэ жъугъэпытэ.