Top.Mail.Ru

Чемпионым дешIагъ

Image description

ГандболымкIэ Урысыем и Суперлигэ хэт «АГУ-Адыифым» Мыекъуапэ щыриIэгъэ зэIу­кIэгъур мы спорт лъэпкъыр зыгу рихьыхэрэм лъэшэу ашIогъэшIэгъоныгъ.

Республикэм ихьэкIагъ къэралыгъом ичемпионэу «ЦСКА-р». Тикомандэ ешIэгъур шIуахьыгъ нахь мышIэми, ешIэкIэ дахэ къы­гъэлъэгъуагъ.
«АГУ-Адыиф» — «ЦСКА» — 30:35 (13:20)

«АГУ-Адыифым» хэтыгъэх: къэлэпчъэIутхэр — Гобадзе, Баскаковар. Суздальцевар — 9, Коблыр – 8, Бондаренкэр — 4, Краснокутскаяр — 3, Болоба — 2, Алексеевар — 2, Къэбжьыр — 1, Коваленкэр — 1.
«ЦСКА-м» щешIагъэх: къэлэпчъэIутхэр — Верещак, Аношкинар. Баевар — 6, Семинар — 6, Никитинар — 5, Илларионовар — 4, Козаченкэр — 4, Захаренкэр — 3, Чигириновар — 2, Явон — 2, Ильинар — 1, Левчинар — 1, Шамановскаяр — 1.
Мыщ фэдэ ешIэгъухэм цIыфыбэ яплъы. «ЦСКА-м» хэт ганд­болисткэхэм гъэхъэгъэшIухэр яIэх, анахь лъэшхэм ащыщых. ГущыIэм пае, мыщ щешIэрэ нэбгырэ 16-м щыщэу зыр спортымкIэ заслуженнэ мастер, 6-р спортымкIэ дунэе класс зиIэ мастерых, 7-р Уры­сыем спортымкIэ имастерых. Адыгеим икомандэ спортымкIэ мастери 6 ныIэп хэтыр.


ЗэIукIэгъум ипэублэ «ЦСКА-р» хэпшIыкIэу нахь лъэшыгъ, ащ испортсменкэхэм зэкIэлъыкIоу Iэгоуих тикъэлапчъэ къыдадзагъ. Я 7-рэ такъикъыр ары ныIэп тикомандэ апэрэ Iэгуаор дидзэн зилъэкIыгъэр. Апэрэ таймыр 13:20-у хьакIэхэм ахьыгъ. ЯтIонэрэм республикэм иганд­болисткэхэр нахь лъэшыгъэх. Мыщ дэжьым дэгъу дэдэу зы­къыгъэлъэгъуагъ Кобл Зуретэ, ащ къэлапчъэм Iэгоуи 8 дидзагъ. Ау Москва илIыкIохэм текIо­ныгъэр къыдахыгъ, 30:35-у зэ­IукIэгъур аухыгъ.
Я 15-рэ турым изэфэхьысыжьхэр:
«Университет» — «Лада» — 24:37, «Динамо-Синара» — «Черноморочка» — 25:28, «Рос­тов-Дон» — «Луч» — 39:26, «Звезда» — «Кубань» — 26:29, «АГУ-Адыиф» — «ЦСКА» — 30:35.
Командэхэр зыдэщыт чIыпIэхэр ыкIи очко пчъагъэу рагъэкъугъэр:

  1. «Ростов-Дон» — 30.
  2. «Черноморочка» — 24.
  3. «ЦСКА» — 24.
  4. «Астраханочка» — 22.
  5. «Кубань» — 15.
  6. «Лада» — 15.
  7. «Динамо-Синара» — 13.
  8. «Звезда» — 9.
  9. «Луч» — 6.
  10. «АГУ-Адыиф» — 2.
  11. «Университет» — 0.
    КъыкIэлъыкIощт зэIукIэгъур «АГУ-Адыифым» Мыекъуапэ ­щыриIэщт, тыгъэгъазэм и 21-м зэнэкъокъум апэрэ чIыпIэр щызыIыгъ командэу «Ростов-Доныр» тихьакIэщт.