«Динамо-МГТУ-м» мы мафэхэм Мыекъуапэ щыриIэгъэ ешIэгъуитIум текIо­ныгъэхэр къащыдихыгъ.

Республикэм икъэлэ шъхьа­Iэ ихьэкIагъ Челя­бинскэ хэкум икомандэу «Металлург-Челбаскет».
Апэрэ зэIукIэгъур 71:67-у тикомандэ къы­хьыгъ. ЯтIонэрэр нахь гъэшIэгъонэу кIуагъэ. Командэхэм шапхъэхэр бэрэ аукъо­щтыгъ, ащ къыхэкIыкIэ судьям ешIэгъур къызэтыригъэуцощтыгъ. Мы спорт лъэпкъыр зыгу рихьэу къэ­зэрэугъоигъэхэм яшIуагъэ­кIэ «Динамо-МГТУ-м» иешIа­кIэ ригъэхъугъ, ти­баскетболистхэр бэрэ ыпэкIэ илъыщтыгъэх. Пчъагъэр 101:90-у ешIэгъур аухыгъ, бысымхэр нахь лъэшыгъэх.
«Динамо-МГТУ-м» къыхэщыгъэх Даниил Волковыр, Константин Клементьевыр ыкIи Александр Нахимовыр.
Тыгъэгъазэм и 21-м «Ди­намо-МГТУ-р» командэу «Южный слон» зыфиIорэм дешIэщт.