ФутболымкIэ Адыгэ Республикэм икIымэфэ чемпионат къыдыхэлъытэгъэ ешIэгъухэр мы зыгъэпсэфыгъо мафэхэм командэхэм яIагъэх. ЗэкIэмкIи зэIукIэгъу 12-мэ мы спорт лъэпкъыр зыгу рыхьыхэрэр яплъынхэ алъэкIыгъ.

Нахьыжъхэр зыхэхьэрэ ветеранхэм ялигэ команди 5 хэт. Мы зэнэкъокъум пчъагъэрэ текIоныгъэр ыкIи хагъэунэфыкIырэ чIыпIэхэр къащыдэзыхыгъэ «ВНГ-м» къытекIуагъ «Джокерыр», пчъагъэр 3:5-у зэIукIэгъур аухыгъ. «Щагъдыир» «Штурмым» нахь лъэшыгъ.
Купэу «ветеранхэм» хэт командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Щагъдый» — 6.
2. «Штурм» — 6.
3. «ВНГ» — 3.
4. «Джокер» — 3.
5. «Делотехника» — 0.
   Апшъэрэ лигэм щешIэрэ коман­дэхэм язэIукIэгъухэр стадионэу «Юностым» щэкIох. Лигэ анахь лъэшым команди 7-мэ зыщаушэты. Мы уахътэм яешIакIэкIэ нахь къахэщых «Урожаир», «Патриот 01 Улапэр» ыкIи «МФОК Ошъутенэр». «Урожаир» Адыгэ къэралыгъо университетым дешIагъ ыкIи 2:1-у текIоныгъэр къыдихыгъ. «МФОК Ошъутенэр» ­«Картонтара-Шытхьалэм», «МКУ СОЦ-р» «СШОР-2008-м» ате­кIуагъэх.
   Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Урожай» — 6.
2. «МФОК Ошъутен» — 4.
3. «Патриот 01 Улап» — 3.
4. «МКУ СОЦ» — 3.
5. «СШОР-2008» — 1.
6. «АГУ» — 0.
7. «Картонтара-Шытхьал» — 0.
   Апэрэ лигэм хэт командэ 14-мэ яешIэгъухэри гъэшIэгъонэу макIох. «Лигионымрэ» «МФОК Ошъутенэмрэ» зэдыряIэгъэ зэIу­кIэ­гъур 1:1-у аухыгъ.
   Турым изэфэхьысыжьхэр:
   «Олимп» — «Спортмастер» — 0:0, «Легион» — «МФОК Ошъутен» — 1:1, «Хьатыгъу­жъыкъуай» — «СШОР-2009» — 2:0, «Дружина» — «Спортмастер-2» — 0:1, «Космос» — «Канониры» — 4:1, «Альянс» — «Кавказ Адэмый» — 0:4, «Тульскэр» — «Ошъутен» 3:3.
   Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Хьатыгъужъыкъуай» — 6.
2. «Космос» — 6.
3. «Ошъутен» — 4.
4. «Тульскэр» — 4.
5. «МФОК Ошъутен» — 4.
6. «Кавказ Адэмый» — 3.
7. «Спортмастер-2» — 3.
8. «Спортмастер» — 2.
9. «Дружина» — 1.
10. «СШОР-2009» — 1.
11. «Олимп» — 1.
12. «Альянс» — 1.
13. «Легион» — 1.
14. «Канониры» — 0.